Amharic bible daily reading

መጽሐፈ ኢዮብ 14፥1-17፥16

14፥1	ከሴት የተወለደ ሰው የሕይወቱ ዘመን ጥቂት ቀን ነው፥ መከራም ይሞላዋል።
14፥2	እንደ አበባ ይወጣል፥ ይረግፋልም እንደ ጥላም ይሸሻል፥ እርሱም አይጸናም።
14፥3	እንደዚህስ ባለ ሰው ላይ ዓይኖችህን ትከፍታለህን? ከአንተስ ጋር እኔን ወደ ፍርድ ታገባለህን?
14፥4	ከርኩስ ነገር ንጹሕን ሊያወጣ ማን ይችላል? አንድ እንኳ የሚችል የለም።
14፥5	የሰው ዕድሜ የተወሰነ ነው፥ የወሩም ቍጥር በአንተ ዘንድ ነው፥ እርሱም ሊተላለፈው የማይችለውን ዳርቻ አደረግህለት።
14፥6	እንደ ምንደኛ ዕድሜው እስኪፈጸም ድረስ ያርፍ ዘንድ ከእርሱ ጥቂት ዘወር በል።
14፥7	ዛፍ ቢቈረጥ ደግሞ ያቈጠቍጥ ዘንድ፥ ቅርንጫፉም እንዳያልቅ ተስፋ አለው።
14፥8	ሥሩም በምድር ውስጥ ቢያረጅ፥ ግንዱም በመሬት ውስጥ ቢሞት፥
14፥9	ከውኃ ሽታ የተነሣ ያቈጠቍጣል እንደ አትክልት ቅርንጫፍ ያወጣል።
14፥10	ሰው ግን ይሞትና ይጋደማል ሰውም ነፍሱን ይሰጣል፥ እርሱስ ወዴት አለ?
14፥11	ውኃ ከባሕር ውስጥ ያልቃል ወንዙም ያንሳል ይደርቅማል።
14፥12	ሰውም ተኝቶ አይነሣም ሰማይ እስኪያልፍ ድረስ አይነቃም፥ ከእንቅልፉም አይነሣም።
14፥13	በሲኦል ውስጥ ምነው በሰወርኸኝ ኖሮ! ቍጣህ እስኪያልፍ ድረስ በሸሸግኸኝ ኖሮ! ቀጠሮም አድርገህ ምነው ባሰብኸኝ ኖሮ!
14፥14	በውኑ ሰው ከሞተ ተመልሶ ሕያው ይሆናልን? መለወጤ እስኪመጣ ድረስ፥ የሰልፌን ዘመን ሁሉ በትዕግሥት በተጠባበቅሁ ነበር።
14፥15	በጠራኸኝና በመለስሁልህ ነበር የእጅህንም ሥራ በተመኘኸው ነበር።

የዕለቱ የመጽሐፍ ቅዱስ ምንባብ