አንድ ጊዜ ከዕውርነት የፈወሰውን ሰው ኢየሱስ እንዲህ ብሎ ጠየቀው:- “...አንተ በእግዚአብሔር ልጅ ታምናለህን?...እርሱም መልሶ:- ጌታ ሆይ፣በእርሱ አምን ዘንድ ማን ነው? አለ:: ኢየሱስም:- አይተኸዋልም ከአንተ ጋርም የሚናገረው እርሱ ነው አለው:: እርሱም:- ጌታ ሆይ፣ አምናለው አለ፣ሰገደለተም::“ዮሐ 9፣35-38

     ሰዎች ሁሉ የኢየሱስን ማንነት ተረድተውና ክብሩንም አይተው በእርሱ እንዲያምኑና እንዲድኑ የእግዚአብሔር ፈቃድ ነው:: ስለዚህ ይህች ጽሑፍ የኢየሱስን ማንነት በጥልቀት ለማወቅ፣“በእርሱ አምን ዘንድ ማነው?“ ለሚሉ ሁሉ የተዘጋጀች ናት:: አንተም የእግዚአብሔርን ልጅ ክብር አይተህ በእርሱ እንድታምንና ለእርሱ እንድትሰግድ እግዚአብሔር ይርዳህ::

     ጽሑፏ እግዚአብሔርን በፍጹምና በቅን ልባቸው ለማወቅና ለመከተል ለሚፈልጉ፣ የእግዚአብሔርንም እውነት ለተራቡና ለተጠሙ የተዘጋጀች ናት:: “ጽድቅን የሚራቡና የሚጠሙ ብፁዓን ናቸው ይጠግባሉና::“ ማቴ 5፣6 አላማዋም ሰዎች የአንድ ሃይማኖት ተከታዮች እንዲሆኑ ለማድረግ አይደለም:: ስለዚህም የትኛውንም ሃይማኖት አታንጸባርቅም::