ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን 
website search (GO!)
 
ዋና ገጽ » ትምህርቶች » በእርሱ አምን ዘንድ ማን ነው? » እንግዲህ ምን እናድርግ?
Email this page to a friend Printer-friendly   Saturday, 10 December 2016
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

“እኔ የወይን ግንድ ነኝ እናንተም ቅርንጫፎች ናችሁ። ያለ እኔ ምንም ልታደርጉ አትችሉምና በእኔ የሚኖር እኔም በእርሱ፥ እርሱ ብዙ ፍሬ ያፈራል። በእኔ የማይኖር ቢሆን እንደ ቅርንጫፍ ወደ ውጭ ይጣላል ይደርቅማል፤ እነርሱንም ሰብስበው ወደ እሳት ይጥሉአቸዋል፥ ያቃጥሉአቸውማል። በእኔ ብትኖሩ ቃሎቼም በእናንተ ቢኖሩ የምትወዱትን ሁሉ ለምኑ ይሆንላችሁማል። ብዙ ፍሬ ብታፈሩና ደቀ መዛሙርቴ ብትሆኑ በዚህ አባቴ ይከበራል።“
(የዮሐንስ ወንጌል 15:5-8)

rss

Today's verse

እንግዲህ ምን እናድርግ?

pdf version

     ማንም ሰው የእግዚአብሔርን የፍቅርና የምህረት እንዲሁም የደህንነትን ጥሪ ከተቀበለ፣ ለመዳንና ኃጢአቱ እንዲሰረይለት የሚከተሉትን እንዲያደርግ መጽሕፍ ቅዱስ ያስተምረናል::

 

1ኛ ንስሐ መግባት:- "ይህንም በሰሙ ጊዜ ልባቸው ተነካ፣ ጴጥሮስንና ሌሎችንም ሐዋርያት:- ወንድሞች ሆይ፣ ምን እናድርግ? አሉአቸው:: ጴጥሮስም:- ንስሐ ግቡ...አላቸው::" ሐዋ 2፣37-38

 

"እንግዲህ እግዚአብሔር ያለማወቅን ወራት አሳልፎ፣ አሁን በየቦታቸው ንስሐ ይገቡ ዘንድ ሰውን ሁሉ ያዛል..." ሐዋ 17፣30

 

     "ኃጢአታቸሁ ይደመሰስ ዘንድ ንስሐ ግቡ ተመለሱም::" ሐዋ 3፣20

 

     ንስሐ መግባት ማለት በመጀመሪያ ኃጢአተኝነታችንና ፍርድ እንደሚጠብቀን አውቀን፣ ከእግዚአብሔር ዘንድ ኃጢአታችን ሁሉ በኢየሱስ ክርስቶስ ደም እንዲታጠብ መለመንና ከአሁን ጀምሮም በአዲስ ሕይወት እንጂ በድሮ በአጸያፊና ከእግዚአብሔር በተለየ ኑሮ ላለመኖር መቁረጥ ወይም መወሰን ነው:: ከእግዚአብሔር ጋር ታርቀን አዲስ ሕይወትን ለመጀመር የእኛ ውሳኔ አስፈላጊ ነው::

 

2ኛ በኢየሱስ ክርስቶስ ማመን:- ኢየሱስ ክርስቶስ የእግዚአብሔር ልጅ እንደሆነና ለሰው ልጆችም ብቸኛ የመዳን መንገድ እንደሆነ፣ ለኃጢአታችንም ሲል በመስቀል ላይ ደሙን እንዳፈሰሰና እንደ ሞተ እንዲሁም በሶስተኛው ቀን እግዚአብሔር ከሙታን እንዳስነሣውና በቀኙ እንዳስቀመጠው ከልብ ማመን:: በዚህ ምድር ላይ ቢሆን ወይም ከሞት በኋላ የነፍሳችን ጌታና ጠባቂ ኢየሱስ ብቻ እንደሆነ፣ እርሱም ከዘላለም ፍርድ ነፍሳችንን ሊያድን የሚችል ብቸኛ አዳኝ እንደሆነ ማመን::

 

"...ልዩነት የለምና፣ ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል፣ በኢየሱስ ክርስቶስም በሆነው ቤዛነት በኩል እንዲያው በፀጋው ይጸድቃሉ::" ሮሜ 3፣22-24

 

"በልጁ የሚያምን የዘላለም ሕይወት አለው፣ በልጁ የማያምን ግን የእግዚአብሔር ቁጣ በእርሱ ላይ ይኖራል እንጂ ሕይወትን አያይም::" ዮሐ 3፣36

 

"ነገር ግን ሰው በኢየሱስ ክርስቶስ በማመን እንጂ በሕግ ሥራ እንዳይሆን አውቀን፣ ሥጋን የለበሰ ሁሉ በሕግ ሥራ ስለማይጸድቅ እኛ ራሳችን በሕግ ሥራ ሳይሆን በክርስቶስ እምነት እንጸድቅ ዘንድ በክርስቶስ ኢየሱስ አምነናል::" ገላ 2፣16

 

"...መብራትም ለምኖ ወደ ውስጥ ሮጠ፣ እየተንቀጠቀጠም ከጳውሎስና ከሲላል ፊት ተደፋ ወደ ውጭም አውጥቶ፣ ጌቶች ሆይ እድን ዘንድ ምን ማድረግ ይገባኛል? አላቸው:: እነርሱም በጌታ በኢየሱስ ክርስቶስ እመን አንተና ቤተ ሰዎችህም ትድናላችሁ አሉት::" ሐዋ 16፣29-31

 

     ከቀድሞ ሕይወትህ ንስሐ ለመግባት ከወሰንህ፣ እንዲሁም በኢየሱስ ክርስቶስ በሙሉ ልብህ ካመንህ፣ የኃጢአትህን ስርየት ታገኝ ዘንድ ወደ እግዚአብሔር በፀሎት ቅረብ:: እግዚአብሔር ይቅር እንዲልህ ከልብህ ለምነው፣ እንዲህም በለው:- እግዚአብሔር ሆይ፣ በደለኛና ኃጢአተኛ እንደሆንኩ አውቃለሁ፣ ኃጢአቴን ሁሉ በልጅህ ደም እጠብልኝ:: ኢየሱስ ክርስቶስ ብቸኛ አዳኝ እንደሆነ አምናለሁ፣ ከእንግዲህ ወዲህ የሕይወቴ ጌታና የነፍሴ ጠባቂ እንዲሆን እፈልጋለሁ:: እርሱንም ለመከተል ወስኛለሁ፣ በነገር ሁሉ እርዳኝ:: አሜን

 

     እንደዚህ አይነት የንስሐ ፀሎት ብቻህን ወይም ከሌሎች ሰዎች ጋር ሆነህ መጸለይ ትችላለህ:: የጸለይከውና የለመንከው እውነት ከልብህ ከሆነ እግዚአብሔር ኃጢአትህን ይቅር ብሎ ይታረቅሃል፣ ልጁም ያደርግሃል:: "ለተቀበሉት ሁሉ ግን፣ በስሙም ለሚያምኑት ለእነርሱ፣ የእግዚአብሔር ልጆች ይሆኑ ዘንድ ስልጣንን ሰጣቸው::" ዮሐ 1፣12

 

     ለእግዚአብሔር እንደተናገርከው ሁሉ፣ ኢየሱስ ክርስቶስን ለመከተል መወሰንህን ለሌሎች ሰዎች በአፍህ ለመመስከር (ለመናገር) አትፍራ::

 

"በአፍህ፣ በልብህም ሆኖ ቃሉ ቀርቦልሃል፣ ይህም የምንሰብከው የእምነት ቃል ነው:: ኢየሱስ ጌታ እንደሆነ በአፍህ ብትመሰክር እግዚአብሔርም ከሙታን እንዳነሳው በልብህ ብታምን ትድናለህ፣ ሰው በልቡ አምኖ ይጸድቃልና በአፉም መስክሮ ይድናልና መጽሐፍ:- በእርሱ የሚያምን ሁሉ አያፍርም ይላልና::" ሮሜ 10፣8-11

 

 

ኢየሱስ ክርስቶስን ለመከተል ከወሰንክ:-

 

1.              ስለ ኢየሱስ የበለጠ እንድታውቅ መጽሐፍ ቅዱስን፣ በተለይ ከዮሐንስ ወንጌል ጀምረህ አንብብ:: 1ጴጥ 2፣2-3

 

2.              ከእግዚአብሔር ጋር በጸሎት ተነጋገር:: ምናልባት እኔ መጸለይ አልችልም ትል ይሆናል:: ግድ የለም ብዙ አትጨነቅ ብቻ የሚሰማህን ችግርህንም ደስታህንም በራስህ ቋንቋ ንገረው:: እርሱ አባትህ ነውና ሊረዳህና ሊያግዝህ ሊመክርህም ይፈልጋል:: ማቴ 7፣7-11

 

3.              የእግዚአብሔርን ቃል በግልጽ ወደምትሰብክ እንዲሁም በአብ፣ በወልድና በመንፈስ ቅዱስ አምላክነትና በኢየሱስ ክርስቶስም ብቸኛ አዳኝነት ወደምታምን ቤተ ክርስቲያን እየሄድክ በእግዚአብሔር ቃል እደግ:: 2ጴጥ 3፣18

 


“ለወገኔ ይጠቅማል በማለት ወይም በከንቱ ውዳሴ ምክንያት አንድ እንኳ አታድርጉ፥ ነገር ግን እያንዳንዱ ባልንጀራው ከራሱ ይልቅ እንዲሻል በትሕትና ይቍጠር፤“
(ወደ ፊልጵስዩስ ሰዎች 2:3)

rss

Today's proverb

OR

የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2016 by iyesus.com
Terms of use | Contact us