ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን   ጥያቄ መጠያየቂያ 
website search (GO!)
 
ዋና ገጽ » ጥያቄ መጠያየቂያ
Email this page to a friend   Saturday, 19 October 2019
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

“እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።“
(መዝሙረ ዳዊት 27:14)

rss

Today's verse

የኢትዮጵያ ኦርቶዶክስ ቤ/ክ እንደ እግዚአብሔር ቃል ብትታደስ ትጎዳለች?

Jan 15, 2012 ሌሎች ስም-አልባ የተጠየቀ

2 መልሶች

0 ድምጾች
አትጎዳም። የእግዚአብሔር ቃል ማን ጎድታል?? እዲያውም ኦርቶዶክስ ብቻ ሳትሆን ሁላችንም የቃሉ ተማሪዎች ብንሆን ይበጀናል። ሁላችንም ተሃድሶ ያስፈልገናል። ወደልቤ ሮሜ12፡2 መጣ። ጌታ ሆይ ለእኔ ና ለወገኖቼ የአምሮና የመንፈስ መታደስ ዘመን የሁንልን የቃልህ እርሃብ ይለቀቅልን፡ ከስም ሁሉ በላይ በሆነው በልጅህ በየሱስ ስም፡ አሜን።
Jan 16, 2012 YaelD (8,160 ነጥቦች) የተመለሰ
Jan 20, 2012 YaelD ታርሟል
0 ድምጾች
«መታደስ» ማለት ማፍረስ ወይም አዲስ ነገር መፍጠር ማለት አይደለም። ወደቀደመ ውበቱ፣ ንጽሕናው፣ ክብሩ፣ ወይም በጎደለው ማንነቱ ላይ ሙላት ማግኘት፣ ለመውደቅ ከቀረበበት ዝመት(መዝመም) መቃናትና ቀጥ ማለት ነው። እስራኤላውያውን በምርኰ ከሄዱበት ከባቢሎን ሲመለሱ ቤተመቅደሱን አደሱ፣ እነሱም ሕያው ቃሉ እየተነበበና እየተተረጎመ የሕይወት እድሳትን አገኙ።
«እዝራ 9፥9
ባሪያዎች ነንና፥ አምላካችን ግን በባርነታችን አልተወንም የሕይወት መታደስን ይሰጠን ዘንድ፥ የአምላካችንንም ቤት እንሠራ ዘንድ፥ የተፈታውንም እንጠግን ዘንድ፥ በይሁዳና በኢየሩሳሌምም ቅጥር ይደረግልን ዘንድ በፋርስ ነገሥታት ፊት ምሕረቱን ሰጠን»
ሰው የዚህ ዓለም ኃጢአት ይስማማዋል። ያ ማለት ግን ከኃጢአት መራቅ አይችልም ማለት አይደለም። ይሁን እንጂ በኃጢአት የሞት እርጅና ተሸንፎ ሳያሸልብ በፊት ማንነቱን ማደስና መለወጥ አለበት። ከነበረበት የዚህ ዓለም ማንነቱ ወጥቶ መለወጥ ማደስ ወደሚችለው ክርስቶስ መመለስ የግድ ነው።
«ሮሜ 12፥2
የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ» በማለት ጳውሎስ ለሮሜ ሰዎች እንደተናገረው መታደስና መለወጥ የግድ ነው።
ማንም የዳነ ቢኖር ከቀድሞ ማንነቱ የተለወጠውና ወደሕያው መጠጊያ የደረሰው በመታደስ እንደሆነ ቃሉ ያስተምረናል።
« ቲቶ3፥5
እንደ ምሕረቱ መጠን ለአዲስ ልደት በሚሆነው መታጠብና በመንፈስ ቅዱስ በመታደስ አዳነን እንጂ፥ እኛ ስላደረግነው በጽድቅ ስለ ነበረው ሥራ አይደለም»
ኦርቶዶክስ ቤተክርስቲያን ራሷ ይህንን ጸልዩ ስትል ታስተምራለች።
ልበ ንጹሐ ፍጥር ሊተ እግዚኦ፣ ወሐድስ መንፈስየ በውስተ ከርስየ» መዝ፶(፶፩)፣፲
የበደለ ማንም ቢኖር ወደቀደመ ማንነቱ በንስሐ ታድሶ ካልተለወጠ ንጹህ መሆን አይችልም።
ሰቆ ኤር 5፥21
አቤቱ፥ ወደ አንተ መልሰን እኛም እንመለሳለን ዘመናችንን እንደ ቀድሞ አድስ።
እውነቱ ይህ ነው። እግዚአብሔር ከውድቀት፣ ከኃጢአት፣ ከቀደመ ግብራችን ሁሉ በአዲስ ማንነት እንድንለወጥ፣ እንድንታደስና እሱን እንድንመስል ይፈልጋል።
ኤፌ4፥24
ለእውነትም በሚሆኑ ጽድቅና ቅድስና እንደ እግዚአብሔር ምሳሌ የተፈጠረውን አዲሱን ሰው ልበሱ» እያለ ጳውሎስ ይመክረናል።
ኦርቶዶክስ ቤተክርስቲያንም ከጳውሎስ ቃል እንዲህ እያለች ታስተምር ነበር።
«ወይእዜሰ በክርስቶስ ተሐደሰ ኵሉ ዘኮነ ወኀለፈ ዘትካት ፣ ወናሁ ኮነ ሐዲሰ ኵሉ» ትርጉም- «ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል» 2ኛ ቆሮ 5፣17
ስናጠቃልል ሁሉም ነገር በክርስቶስ ታድሷል። ውድቀት ወይም መሳሳት ወይም ድክመት ካለ ለመታደስ ከክርስቶስ በቀር አዲስ የመሆኛ ሌላ መንገድ የለም። ታዲያ የኦርቶዶክስ ቤተክርስቲያን ቀደም ሲል ታስተምር ከነበረው በተቃራኒው ከቅርብ ጊዜ ወዲህ «ተሐድሶ» የሚለውን ቃል መስማት ያስጠላት ትመስላለች። እገሌ ተሃድሶ ነው፣ እናድሳት ይላሉ፣ መታደስ መጥፎ ነው፣ አንፈልግም፣ ከሚሉ ንግግሮች ባሻገር ይህንኑ ለመቋቋም ሲሉ ማኅበራት እስከመደራጀት ደርሰዋል። ቤተክርስቲያን ማለት የምእመናን ጉባዔ ማለት እስከሆነ ድረስ ጉባዔው በዚህ ምድር እስካለ በእግዚአብሔር ቃል ራሱን እያደሰ፣ እምነቱን በቃሉ እየመረመረና እያስተካከለ መሄድ የሚገባውና ይህንንም ባለማድረግ በአንድ ወቅት በዚህ ምድር እንደነበሩና ኋላም እንደጠፉት ላለመሆን በንቃትና በትጋት ክርስቶስን ለመምሰል ግድ እንደሚል መዘንጋት የሌለበት ነገር ነው።
ይህ የተነገረው ለማነው?
ራዕይ 3፣17-18« ሀብታም ነኝና ባለጠጋ ሆኜአለሁ አንድም ስንኳ አያስፈልገኝም የምትል ስለ ሆንህ፥ ጐስቋላና ምስኪንም ድሀም ዕውርም የተራቆትህም መሆንህን ስለማታውቅ፥
ባለ ጠጋ እንድትሆን በእሳት የነጠረውን ወርቅ፥ ተጐናጽፈህም የራቁትነትህ ኃፍረት እንዳይገለጥ ነጭ ልብስን፥ እንድታይም ዓይኖችህን የምትኳለውን ኵል ከእኔ ትገዛ ዘንድ እመክርሃለሁ»
ሀብታም ነኝ ወይም ረጅም እድሜ ስላለኝ ምንም አያስፈልገኝም ሳይሆን ቃሉን የምናይበትን የእግዚአብሔር ቃል ኩል መግዛት የማይታለፍ ነው። ስለሆነም መታደስን የማይፈልግ ነገሮች ሁሉ እንዳበቁለት ያመነ ብቻ ነው!!
Jan 17, 2012 ስም-አልባ የተመለሰ
ምልምል ቕጥረኞቻችሁን ለመርዳት መሆኑ ነው?
ወንድሜ በድቡሽት ላይ የተሠራ ቤት ታውቃለሀ ተዋህዶ ኦርቶዶክስ ማለት ያ ነው መታደሰስ የሚፈልገው በአሸዋ ላይ የተሰራው ነው የነቶሎ ቶሎ ቤት፡፡ ስለዚህ ያለህበትን ቤት ቀና ብለህ ብታየው መልካም ነው፡፡ ማንም ከተመሠረተው ውጪ.....
ኦርቶዶክስ የምትከተለው መንገድ ትክክል እና ትክክል ነው።
“እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።“
(መዝሙረ ዳዊት 33:12)

rss

Today's proverb

የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2019 by iyesus.com
Terms of use | Contact us
...