ፔንቴ ምን ማለት ነው(ትርጉሙ)?

Answer 1

ምናልባት የስሙን ትርጉም ፈልገህ ከሆነ፤ ጴንጤ ማለት በግሪክ ሃምሳ (50) ማለት ነው። ይህ ጴንጤ ወይም ሃምሳ የሚባለው ነገር የመጣው በበዓለ ሃምሳ ማለትም ፋሲካ ከተከበረ በኋላ በሃምሳኛ ቀኑ በሚከበረው በዓል ቀን በሃዋርያት ስራ 2 ላይ ከሆነው ነገር ጋ ተያይዞ ነው። በዚህ በዓለ ሃምሳ ቀን ወይም በዓለ ጴንጤ ቀን ወይም በpentecost ቀን ማለትም ከክርስቶስ ሞት በኋላ በሃምሳኛ ቀኑ (ክርስቶስ በፋሲካ ስለሞተ ማለት ነው) መንፈስ ቅዱስ በደቀመዛሙርቱ ላይ ለመጀመሪያ ጊዜ የወረደበትና በልሳን የተናገሩበት ቀን ነው።

Quote:

የሐዋርያት ሥራ 2
1 በዓለ ኀምሳ (Pentecost) የተባለውም ቀን በደረሰ ጊዜ፥ ሁሉም በአንድ ልብ ሆነው አብረው ሳሉ፥
2 ድንገት እንደሚነጥቅ ዓውሎ ነፋስ ከሰማይ ድምፅ መጣ፥ ተቀምጠው የነበሩበትንም ቤት ሁሉ ሞላው።
3 እንደ እሳትም የተከፋፈሉ ልሳኖች ታዩአቸው፤ በያንዳንዳቸውም ላይ ተቀመጡባቸው።
4 በሁሉም መንፈስ ቅዱስ ሞላባቸው፥ መንፈስም ይናገሩ ዘንድ እንደ ሰጣቸው በሌላ ልሳኖች ይናገሩ ጀመር።

አማኞች እንግዲህ ለመጀመሪያ ጊዜ በመንፈስ ቅዱስ የተሞሉበትና በልሳን የተናገሩበት ቀን በPentecost ወይም በዓለ ሃምሳ ቀን ነው። ለዚህ ነው እንግዲህ በዚህም ዘመን በመንፈስ ቅዱስ ሙላትና በልሳን መናገር የሚያምኑና የሚቀበሉ አማኞች ጴንጤዎች ወይም pentecostal ተብለው የሚጠሩት።