ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን   ጥያቄ መጠያየቂያ 
website search (GO!)
 
ዋና ገጽ » ጥያቄ መጠያየቂያ
Email this page to a friend   Sunday, 29 November 2020
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

“እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።“
(መዝሙረ ዳዊት 27:14)

rss

Today's verse

በያቆብ መጽሐፍ ላይ ትንኮል የሰራው ያቆብ እ/ር ግን የጠላው ዔሳውን ይህ እንዴት ሊሆን ቻለ?

Mar 23, 2011 መንፈሳዊ እንያት ፀጋዬ (2,060 ነጥቦች) የተጠየቀ

2 መልሶች

0 ድምጾች
 
ምርጥ መልስ
ሰላም እታችን እንያት
የጌታ ሰላም ይብዛልሽ!

በቅድሚያ እግዚአብሔር ያዕቆብን ወደድኩ ዔሳውንም ጠላሁ ብሎ የተናገረው በብሉይ ኪዳን በትንቢተ ሚልክያስ ላይ ነው። በያዕቆብ መልእክት ውስጥ አይደለም።
Quote:
ትንቢተ ሚልክያስ
1፥2 ወድጃችኋለሁ፥ ይላል እግዚአብሔር እናንተ ግን፦ በምን ወደድኸን? ብላችኋል። ዔሳው የያዕቆብ ወንድም አልነበረምን? ይላል እግዚአብሔር ያዕቆብንም ወደድሁ፥ ዔሳውንም ጠላሁ

በዛ ክፍል እግዚአብሔር ለምን ያዕቆብን ወድዶ ኤሳውን እንደጠላው አልተጻፈም። ሆኖም የያዕቆብንና የዔሳውን ታሪክ ስንመለከት አንድ የሚሰጠን ፍንጭ አለ። በሥራ ስንመለከት አንቺ እንዳልሽው ያዕቆብ ነው አንዴ በምስር ወጥ አታልሎ ብኩርናውን የወሰደበት (ዘፍጥረት 25፡29-34)፤ አንዴ ደግሞ በእናቱ ተገፋፍቶ ኤሳውን መስሎ ከአባቱ የኤሳውን ምርቃት የተቀበለው (ዘፍጥረት 27)

በተለይ ብኩርናውን በወጥ ሲወስድበት መጽሐፍ ቅዱስ እንዲህ ይላል፦
Quote:
ኦሪት ዘፍጥረት 25
29 ያዕቆብም ወጥ ሠራ ዔሳውም ደክሞ ከበረሃ ገባ
30 ዔሳውም ያዕቆብን፦ ከዚህ ከቀዩ ወጥ አብላኝ፥ እኔ እጅግ ደክሜአለሁና አለው ስለዚህ ስሙ ኤዶም ተባለ።
31 ያዕቆብም፦ በመጀመሪያ ብኵርናህን ሽጥልኝ አለው።
32 ዔሳውም፦ እነሆ፥ እኔ ልሞት ነኝ ይህች ብኵርና ለምኔ ናት? አለ።
33 ያዕቆብም፦ እስኪ በመጀመሪያ ማልልኝ አለው። ማለለትም ብኵርናውንም ለያዕቆብ ሸጠ።
34 ያዕቆብም ለዔሳው እንጀራና የምስር ወጥ ሰጠው በላ፥ ጠጣ፥ ተነሥቶም ሄደ እንዲሁም ዔሳው ብኵርናውን አቃለላት

ኤሳው ስለ ብኩርናው ሲናገር፦ "ይህች ብኵርና ለምኔ ናት" ነው ያለው። ስለዚህም በወጥ ብኩርናውን ቀየረው። መጽሐፍ ቅዱስም "እንዲሁም ዔሳው ብኵርናውን አቃለላት" ይላል።

አሁን ሁለቱ ያደረጉትን ድርጊቱን ብቻ ስንመለከት፤ ያዕቆብ አታላይ፣ ኤሳው ደግሞ ተታላይ ነው። ሆኖም ሁለቱ ደግሞ ለብኩርናው የሰጡትን ክብርና ቦት ስናይ ግን ጉዳዩ ሌላ ነው። ያዕቆብ ብኩራንውን እጅግ ፈልጎት ነበር። ምክንያቱም እግዚአብሔር ከሰዎች ሁሉ ለይቶ ለአያታቸው ለአብርሃም ታላላቅ የተስፋ ቃሎችን ሰጥቶት ነበርና (ዘፍ 12፡1-3)። ያ በምድር ከነበሩት ነገዶች ሁሉ ተለይቶ መመረጥና የተስፋው ቃል መፈጸሚያ መሆን ደግሞ በመጀመሪያ በአብርሃም ቀጥሎ፤ በልጁ በይስሐቅ ቀጥሎም በአንዱ በይስሐቅ ልጅ የሚተላለፍ በረከትና ምርጫ ነበር።

ያዕቆብ በኩር ሆኖ አልተወለደም ስለዚህ በሥጋ ሲታይ የበረከቱ ወራሽና የተስፋው ቃል ተረካቢ የመሆን ተስፋ የለውም። ሆኖም ለእግዚአብሔር የተስፋ ቃል እጅግ ከፍተኛ ቦታ ስለሚሰጥ፤ በሚችለው ሁሉ (በማታለልም ቢሆን) ያንን የእግዚአብሔር መመረጥ ከበኩሩ ከኤሳው ለመውሰድ ሲጥር ነው የምናየው። የሠራው ማታለል ቢሆንም፤ በልቡ ያለውንና ለእግዚአብሔር ምርጫና የተስፋ ቃል የሰጠውን ትልቅ ስፍራ የሚያሳይ ነው።

በአንጻሩ ግን ኤሳው፤ ከምድር ነገዶች ተለይቶ በእግዚአብሔር ለመመረጥንና ለተስፋው ቃል ይሄን ያህል ከፍ ያለ ቦታ ሲሰጥ አይታይም። ይልቁንም በወጥ ሲቀይረው፣ "ይህች ብኵርና ለምኔ ናት" ሲልና መጽሐፍ ቅዱስ እንደሚናገር "ሲያቃልለው" ነው የሚታየው።

ስለዚህ እግዚአሔር ያዕቆብን ወድዶ ኤሳውን የሚጠላበት ምክንያት ይሄ ሊሆን ይችላል።

ሆኖም ያዕቆብ በሚያታልልበትና ብኩርናውን ለመንጠቅ በሚሞክርበት ሰዓት አንድ ያልተገነዘበው ነገር ነበር። ይሄውም የእግዚአብሔር የተስፋ ቃል በራሱ በእግዚአብሔር ምርጫ እንጂ በማታለልና በሌላም በሰው ሥራ እንደማይገኝ አልተገነዘበም ነበር። ምክንያቱም ገና ያዕቆብና ኤሳው በሆድ ውስጥ እያሉ፣ ገና ክፉና በጎ ሳያደርጉ፣ "ከጠሪው እንጂ ከሥራ ሳይሆን በምርጫ የሚሆን የእግዚአብሔር አሳብ ይጸና ዘንድ" እግዚአብሔር ያዕቆብን አስቀድሞ መርጦት ነበርና
Quote:
ወደ ሮሜ ሰዎች 9
10 ይህ ብቻ አይደለም፥ ነገር ግን ርብቃ ደግሞ ከአንዱ ከአባታችን ከይስሐቅ በፀነሰች ጊዜ፥
11 ልጆቹ ገና ሳይወለዱ፥ በጎ ወይም ክፉ ምንም ሳያደርጉ፥ ከጠሪው እንጂ ከሥራ ሳይሆን በምርጫ የሚሆን የእግዚአብሔር አሳብ ይጸና ዘንድ
12 ለእርስዋ። ታላቁ ለታናሹ ይገዛል ተባለላት።
13 ያዕቆብን ወደድሁ ኤሳውን ግን ጠላሁ ተብሎ እንደ ተጻፈ ነው።

ኦሪት ዘፍጥረት 25
21 ይስሐቅም ስለሚስቱ ወደ እግዚአብሔር ጸለየ፥ መካን ነበረችና እግዚአብሔርም ተለመነው፥ ርብቃም ሚስቱ ፀነሰች።
22 ልጆችም በሆድዋ ውስጥ ይገፋፉ ነበር እርስዋም፦ እንዲህ ከሆነ ይህ ለእኔ ምኔ ነው? አለች። ከእግዚአብሔርም ትጠይቅ ዘንድ ሄደች።
23 እግዚአብሔርም አላት፦ ሁለት ወገኖች በማኅፀንሽ ናቸው፥ ሁለቱም ሕዝብ ከሆድሽ ይከፈላሉ ሕዝብም ከሕዝብ ይበረታል ታላቁም ለታናሹ ይገዛል
Mar 23, 2011 በቃሉ (2,230 ነጥቦች) የተመለሰ
0 ድምጾች
ሮሜ፣9፤6-18 ያለው ለዚህ መልስ ሊሆንህ ይችላል እ/ር ልባችንን ነው የሚያየው ስለዚህ ነው ያዕቆብን ወደድኩ ኤሳውን ጠላሁ ያለው፡፡ እንጂ እ/ር ማንንም አይጠላም ነገር ግን ሐጢያተኛውን ይጠላል ከሐጢያት ጋር አይተባበርም ሐጢያትን እጠላለሀ ይላልና፡፡
Mar 23, 2011 ስም-አልባ የተመለሰ
እግዚአብሔር ሃጢያተኛውን አይጠላም ሐጢያትን እንጂ ይህችን ለማስተካከል ነው የገባሁት ወደ ሃሳቡ ስመለስ ግን ያዕቆብ በእግዚአብሔር የመወደዱ ምስጢር ምስጢሩ ለእግዚአብሔር ነው ምክንያቱም ምርጫው እኮ ገና ኤሳው በኩርናውን ሳያቃልላት ያዕቆብም ሳያታልል በማህጸን ሳሉ ነው ምናልባት የዛሬውን እስራኤል በያዕቆብ ውስጥ አይቶ ይሆን? እስራኤልን ሊያድንና በታላቅ ተአምራት ሊያወጣቸው የፈሪኦንን ልብ እልከኛ አደረገው እርሱ ስራው ረቂቅ ነውና መርምረን ልንደርስበት አንችልም
“እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።“
(መዝሙረ ዳዊት 33:12)

rss

Today's proverb

የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2020 by iyesus.com
Terms of use | Contact us
...