ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን 
website search (GO!)
 
ዋና ገጽ » ጥያቄና መልስ
Email this page to a friend Printer-friendly   Saturday, 25 March 2017
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

እየሱስ ክርስቶስ ጊታ፣አምላክ፣ፈጣሪ፣እግዚአብህር ነው አማላጅ ግን አይደለም።

3 ዓመታት በፊት መንፈሳዊ ስም-አልባ የተጠየቀ

12 መልሶች

0 ድምጾች
ሲላለመሆኑ ምን ማረጋገጭኣ ኣሌህ?
2 ዓመታት በፊት ሰሊሆም አያለው (140 ነጥቦች) የተመለሰ
እርሱም የማይታይ አምላክ ምሳሌ ነው። የሚታዩትና የማይታዩትም፥ ዙፋናት ቢሆኑ ወይም ጌትነት ወይም አለቅነት ወይም ሥልጣናት፥ በሰማይና በምድር ያሉት ሁሉ በእርሱ ተፈጥረዋልና ከፍጥረት ሁሉ በፊት በኵር ነው። ሁሉ በእርሱና ለእርሱ ተፈጥሮአል።
0 ድምጾች
ብዙ መልስ አሉ ግን አስተዋይ ለሆነ ሰው ጥቂቱ በቂ ስለሆነ ሀዋ ስራ 7፤59 አማልደን የሚል ልመና የለም፣የሀንስ 16፤26 የራሱ ቃል መከበር አለበት፣የሀንስ 14፤14 መመልከት ይበቃል
2 ዓመታት በፊት ስም-አልባ የተመለሰ
0 ድምጾች
ይህ ጥያቄ እጅግ በጣም ተገቢ ጥያቄ ነው።

እዚህ ጋር ሁለት ነገር እናያለን።

መጽሐፉን የሙጥኝ ብሎ በመገኘትና ቤተክርስቲያን በዘመናት መካከል በፈለሰፈቻቸው ነገሮች ላይ እምነት መጣል።

እውነት ለመናገር ሥላሴ የመጽሐፍ ቅዱስ ትምህርት አይደለም። በአራተኛው መቶ ክፍለዘመን በግሪካውያን ፍልስፍና የተማረኩ የቤተክርስቲያን "አባቶች" የመጽሐፍ ቅዱስን ግልጽ አባባሎች ከዚህ ፍልስፍና ጋር አቆራኝተው ሥላሴን ፈጠሩ። በሥላሴ ትምህርት ባልተቃኘ አእምሮና ንጹህ ልብ ሲነበቡ ግልጽ የሚሆኑት የመጽሐፍ ቅዱስ ጥቅሶች ሥላሴን ከደሙ ጋር ላዋሃደው ለዚህ ህዝብ ለሥላሴ ማስረጃ ሁነው ክርክር ሲነሳባቸው በጣም ያሳዝናል። እንደውም እንደውም ሰይጣን አዳምንና ሄዋንን አሳስቶ የዘላለም ህይወት ከማሳጣቱ ይልቅ የክርስትናን እምነት ገና ከጨቅላነቱ እንዲህ በፍልስፍና በማጨማለቁ ይበልጥ ተሳክቶለታል።

ጌታችን ኢየሱስ ክርስቶስም የተናገረው ይህንን ነበር፡
Quote:
ማቴዎስ 13፡ 37 - 41፡ "እርሱም መልሶ እንዲህ አላቸው፦ መልካምን ዘር የዘራው የሰው ልጅ ነው፤ እርሻውም ዓለም ነው፤ መልካሙም ዘር የመንግሥት ልጆች ናቸው፤ እንክርዳዱም የክፉው ልጆች ናቸው፥ የዘራውም ጠላት ዲያብሎስ ነው፤ መከሩም የዓለም መጨረሻ ነው፥ አጫጆችም መላእክት ናቸው። እንግዲህ እንክርዳድ ተለቅሞ በእሳት እንደሚቃጠል፥ በዓለም መጨረሻ እንዲሁ ይሆናል። የሰው ልጅ መላእክቱን ይልካል፥ ከመንግሥቱም እንቅፋትን ሁሉ ዓመፃንም የሚያደርጉትን ይለቅማሉ፥"

ጳውሎስም ስለዚህ ሲናገር፡
Quote:
ወደ ቆላስይስ ሰዎች 2፡8 "እንደ ክርስቶስ ትምህርት ሳይሆን፥ እንደ ሰው ወግና እንደ ዓለማዊ እንደ መጀመሪያ ትምህርት ባለ በፍልስፍና በከንቱም መታለል ማንም እንዳይማርካችሁ ተጠበቁ።"

ዛሬ ግን እውነቱን ፍልስፍና፣ ፍልስፍናን እውነት አድርጎ የሚወስድ ትውልድ ላይ ነው የደረስነው። ለሰይጣን ከዚህ በላይ ስኬት ይመጣል ብዬ አላስብም።

ወንድሜ፣ ኢየሱስ ራሱ እግዚአብሔር ነው የሚለውን የሥላሴ ትምህርት ከተቀበልህ "ኢየሱስ ያማልዳል" ብለህ መቀበል አይኖርብህም። ምክንያቱም ካማለደ፣ እግዚአብሔሩም ራሱ ከሆነ፣ ከማን ጋር ነው ሚያማልደን?

መጽሐፍ ቅዱስ በሚነግረን፦
Quote:
"በእግዚአብሔርና በሰውም መካከል ያለው መካከለኛው" (1ኛ ጢሞቴዎስ 2፡5)
Quote:
"የሞተው፥ ይልቁንም ከሙታን የተነሣው፥ በእግዚአብሔር ቀኝ ያለው፥ ደግሞ ስለ እኛ የሚማልደው ክርስቶስ ኢየሱስ ነው" (ሮሜ 8፡34)
Quote:
በዚያም ኢየሱስ እንደ መልከ ጼዴቅ ሹመት ለዘላለም ሊቀ ካህናት የሆነው፥ ስለ እኛ ቀዳሚ ሆኖ ገባ" (ዕብራውያን 6፡20)


በነዚህና እነዚህን በመሳሰሉ ጥቅሶች ላይ (ባጠቃላይ መጽሐፍ ቅዱስ በሚነግረን እውነት ላይ) እምነት ካለን ከሰይጣን ተቃራኒ ጎራ በመሰለፍ ሁሉ በሁሉ የሚሆነውን የመጨረሻውን ባለስልጣን እግዚአብሔርን ከፍ ከፍ እናደርጋለን። እርሱ ላስቀመጠው ታላቅ ንጉስም እንገዛለን ታላቅ አክብሮትም እንሰጣለን።

እግዚአብሔርም አለ፦ "እኔ ግን ንጉሤን ሾምሁ በተቀደሰው ተራራዬ በጽዮን ላይ።" (መዝሙር 2፡6) አዎን የተሾመው ንጉስ ሁሉን ይገዛል። "ተግሳጹን ተቀበሉ [ወይም በዕብራይስጥ እንደተጻፈው "ልጁን ሳሙት"] ጌታ እንዳይቆጣ" (መዝሙር 2፡12)

እናስ ማንኛው ይሻላል? ፍልስፍናን ተቀብሎ መጽሐፉን መሻር? ወይስ መጽሐፉን ተቀብሎ የፍልስፍና ትምህርቶችን መካድ?
2 ዓመታት በፊት ስም-አልባ የተመለሰ
0 ድምጾች
ማቲ 28፤19 እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ።
ስም የሚለውን ያዝ ሶስትነትን በአንድ ስም በሶስትነት ስም አንድ መለኮት አንድ አምላክ ስለሆነ ነው፤፤
ሮሚ 9፤5 አባቶችም ለእነርሱ ናቸውና፤ ከእነርሱም ክርስቶስ በሥጋ መጣ፥ እርሱም ከሁሉ በላይ ሆኖ ለዘላለም የተባረከ አምላክ ነው፤ አሜን።
አምላክ የሚለውን ያዝ ስንት አምላክ አለን አንድ አምላክ እርሱም አብ ወልድ መንፈስ ቅዲስ ነው፤ ፤
2 ዓመታት በፊት ስም-አልባ የተመለሰ
0 ድምጾች
ብዙ መልስ አሉ ግን አስተዋይ ለሆነ ሰው ጥቂቱ በቂ ስለሆነ
ሀዋ ስራ 7፤59 እስጢፋኖስም። ጌታ ኢየሱስ ሆይ፥ ነፍሴን ተቀበል ብሎ ሲጠራ ይወግሩት ነበር።
60 ተንበርክኮም። ጌታ ሆይ፥ ይህን ኃጢአት አትቍጠርባቸው ብሎ በታላቅ ድምፅ ጮኸ። ይህንም ብሎ አንቀላፋ።
ልመና እንዲህ ነው ነፍሲን ተቀበል አማልደን የሚል ልመና የለውም፣
የሀንስ 16፤26
የራሱ ቃል መከበር አለበት፣
በዚያን ቀን በስሜ ትለምናላችሁ፤ እኔም ስለ እናንተ አብን እንድለምን የምላችሁ አይደለሁም፤
የሀንስ 14፤14
እኔ ወደ አብ እሄዳለሁና፤ አብም ስለ ወልድ እንዲከበር በስሜ የምትለምኑትን ሁሉ አደርገዋለሁ።
14 ማናቸውንም ነገር በስሜ ብትለምኑ እኔ አደርገዋለሁ።
2 ዓመታት በፊት ስም-አልባ የተመለሰ
0 ድምጾች
ትንቢተ ኢሳይያስ 45፤22-23 እናንተ የምድር ዳርቻ ሁሉ፥ እኔ አምላክ ነኝና፥ ከእኔም በቀር ሌላ የለምና ወደ እኔ ዘወር በሉ ትድኑማላችሁ።
23 ቃሌ ከአፌ በጽድቅ ወጥታለች፥ አትመለስም። ጕልበት ሁሉ ለእኔ ይንበረከካል፥ ምላስም ሁሉ በእኔ ይምላል
እየደገፈ፥ ኃጢአታችንን በራሱ ካነጻ በኋላ በሰማያት በግርማው ቀኝ ተቀመጠ፤“
(ወደ ዕብራውያን 1:3)

ወደ ፊልጵስዩስ ሰዎች 2፤10 ይህም በሰማይና በምድር ከምድርም በታች ያሉት ሁሉ በኢየሱስ ስም ይንበረከኩ ዘንድ፥
ጉልበት ሁሉ የሚንበረከኩለት አንድ አምላክ ነው እርሱም አብ ወለድ መንፈስ ቅዱስ(ስላሲ)ነው፡ ፡
አንድ ስው ክርስቲያን ነን ብሎ ስላሲ ወይም አብ ወልድ መንፈስ ቅዲስ አንድ አይደሉም ካለ ከለይ ያሉትንና የመሳሰሉ ቃላትን ማስታረቅ አይችልም ወንጊሉም ሲጋጭበት ይኖራል
2 ዓመታት በፊት ስም-አልባ የተመለሰ
ወንድሜ፣ አስተካክለህ ሳትጨምር ሳትቀንስ አንብበው ባክህ።

ፊልጵስዩስ 2፡10-11 የሚለው "ይህም በሰማይና በምድር ከምድርም በታች ያሉት ሁሉ በኢየሱስ ስም ይንበረከኩ ዘንድ፥ መላስም ሁሉ ለእግዚአብሔር አብ ክብር ኢየሱስ ክርስቶስ ጌታ እንደ ሆነ ይመሰክር ዘንድ ነው።"

በሥላሴ እምነትህም ብንሄድ እግዚአብሔር አብ "እግዚአብሔር ወልድ" አይደለም። (ምንም እንኳ "እግዚአብሔር ወልድ" የሚለው ቃል ለመጽሐፍ ቅዱስ ባዕድ አባባል ቢሆንም) የሰዎች ለጌታ ለኢየሱስ ክርስቶስ መንበርከክ እርሱን ጌታ አድርጎ ለሾመው ለእግዚአብሔር አብ ክብር ማምጣት እንደሆነ ነው ጳውሎስ እየነገረን ያለው።

የሐዋርያት ሥራ 2፡36፦ "እንግዲህ ይህን እናንተ የሰቀላችሁትን ኢየሱስን እግዚአብሔር ጌታም ክርስቶስም እንዳደረገው የእስራኤል ወገን ሁሉ በእርግጥ ይወቅ።"

አዎን ኢየሱስን ጌታም ክርስቶስም ያደረገው እግዚአብሔር ነው።

ሰላም
0 ድምጾች
ስላሴ ለአንዳንድ ሰው ግር የሚለው ስላሴ የሚለውን ቃል በቅዲስ መጵሀፍ ውስጥ ስለማያገጎው ነው ስላሴ ማለት ሶስት ማለት ሲሆን እነሱም አብ ወልድ መንፈስ ቅዲስ ነው
ማቴዎስ ወንጌል 28፤19-20 እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ።
2 ዓመታት በፊት ስም-አልባ የተመለሰ
ወንድሜ፣ በአራተኛው መቶ ክፍለዘመን የነበሩ የቤተክርስቲያን "አባቶች" በግሪካውያን ፍልስፍና እጅግ ከመማረካቸው የተነሳ "ጌታ ለግሪካውያን ጥበብን፣ ለአይሁድ ደግሞ ቃሉን ሰጥቷል" እስከማለት ደርሰዋል።

"ሥላሴ" የሚለውን ቃሉን ተወውና እምነትህን ከመጽሐፉ በንጹ ልብ ፈልገው። ያኔ እውነታውን ታገኛለሁ።

በጠቀስከው የማቴዎስ ወንጌል ምዕራፍ 28 ላይ ኢየሱስ የተናገረውን ልብ ብለህ አንብብ።

ቁጥር 18፦ "ሥልጣን ሁሉ በሰማይና በምድር ተሰጠኝ።"

በሥላሴ እምነትህ "በሥልጣን አንድ ናቸው" ያልካቸው እግዚአብሔርና ኢየሱስ እዚህ ጋር ግን አንዱ ሥልጣን ሰጪ አንዱ ተቀባይ ሆነዋል።

ከዚህ ጋር በሚስማማ መዝሙራዊው በመዝሙር 2፡8 እና 9 ላይ "ለምነኝ፥ አሕዛብን ለርስትህ የምድርንም ዳርቻ ለግዛትህ እሰጥሃለሁ። በብረት በትር ትጠብቃቸዋለህ፥ እንደ ሸክላ ሠሪ ዕቃዎች ትቀጠቅጣቸዋለህ።" በማለት እግዚአብሔር ለመሲሁ የሚናገረውን ጽፏል።

በ325 ዓ.ም የተደነገገን "አብ ወልድ መንፈስ ቅዱስ አንድ አምላክ" እየደጋገምህ ለማሳመን መሞከሩ አያስኬድም። የጻፍካቸውን ጥቅሶች መልሰህ በደንብ አንብባቸው።

እስቲ ይህን ጥቅስ ሃረግ ሳትመዝ አንብበው፦

1ኛ ቆሮንቶስ 3፡23፡- "ሁሉ የእናንተ ነው፥ እናንተም የክርስቶስ ናችሁ ክርስቶስም የእግዚአብሔር ነው።"

ሰላም
0 ድምጾች
የእነ መልስ ግን አማላጅም ነው ምክንያቱም ገታችን ኤየሱስ በዮሃንስ 17፤9-26 ድረስ
2 ዓመታት በፊት ስም-አልባ የተመለሰ
0 ድምጾች
የአንተን ሀሳብ ስረዳው እየሱስ ክርስቶስ እግዚአብህር አይደለም ነው እኒ ደግሞ እየሱስ ክርስቶስ ትክክል የሆነ እግዚአብህር ነው ።እግዚአብህር ደግሞ ተማላጅ እንጂ አያማልድም ሁሉን ቻይ ስለሆነ።
ለምሳሎ የዮሐንስ ወንጌል 1
በመጀመሪያው ቃል ነበረ፥ ቃልም በእግዚአብሔር ዘንድ ነበረ፥ ቃልም እግዚአብሔር ነበረ።
2 ይህ በመጀመሪያው በእግዚአብሔር ዘንድ ነበረ።
3 ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም።
14-ቃልም ሥጋ ሆነ
1ኛ የዮሐንስ መልእክት 5 5-7
በውኃና በደም የመጣ ይህ ነው እርሱም ኢየሱስ ክርስቶስ፤ በውኃውና በደሙ እንጂ በውኃው ብቻ አይደለም።
7 መንፈስም እውነት ነውና የሚመሰክረው መንፈስ ነው።
8 የሚመሰክሩት መንፈሱና ውኃው ደሙም ሦስት ናቸውና፤ ሦስቱም በአንድ ይስማማሉ(በተለይ ኪንግ ጀምሰ እንጊሊዝ ባይብል)


የዮሐንስ ራእይ 19፤16
በልብሱና በጭኑም የተጻፈበት። የነገሥታት ንጉሥና የጌታዎች ጌታ የሚል ስም አለው።
ወደ ሮሜ ሰዎች 9፤5
አባቶችም ለእነርሱ ናቸውና፤ ከእነርሱም ክርስቶስ በሥጋ መጣ፥ እርሱም ከሁሉ በላይ ሆኖ ለዘላለም የተባረከ አምላክ ነው፤ አሜን።
የሐዋርያት ሥራ 20
በገዛ ደሙ የዋጃትን የእግዚአብሔርን ቤተ ክርስቲያን ትጠብቁአት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ።2
2 ዓመታት በፊት ስም-አልባ የተመለሰ
0 ድምጾች
የአንተን ሀሳብ ስረዳው እየሱስ ክርስቶስ እግዚአብህር አይደለም ነው እኒ ደግሞ እየሱስ ክርስቶስ ትክክል የሆነ እግዚአብህር ነው ።እግዚአብህር ደግሞ ተማላጅ እንጂ አያማልድም ሁሉን ቻይ ስለሆነ።
ለምሳሎ የዮሐንስ ወንጌል 1
በመጀመሪያው ቃል ነበረ፥ ቃልም በእግዚአብሔር ዘንድ ነበረ፥ ቃልም እግዚአብሔር ነበረ።
2 ይህ በመጀመሪያው በእግዚአብሔር ዘንድ ነበረ።
3 ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም።
14-ቃልም ሥጋ ሆነ
አሁን እንግዲህ ኢየሱስ ብለን ምንጠራው ቃልም እግዚአብሔር ነበረ። ሁሉ በእርሱ ሆነ፥ -ቃልም ሥጋ ሆነ የተባለውን ነው፤፤
1ኛ የዮሐንስ መልእክት 5 5-7
በውኃና በደም የመጣ ይህ ነው እርሱም ኢየሱስ ክርስቶስ፤ በውኃውና በደሙ እንጂ በውኃው ብቻ አይደለም።
7 መንፈስም እውነት ነውና የሚመሰክረው መንፈስ ነው።
8 የሚመሰክሩት መንፈሱና ውኃው ደሙም ሦስት ናቸውና፤ ሦስቱም በአንድ ይስማማሉ(በተለይ ኪንግ ጀምሰ እንጊሊዝ ባይብል)

የዮሐንስ ራእይ 19፤16
በልብሱና በጭኑም የተጻፈበት። የነገሥታት ንጉሥና የጌታዎች ጌታ የሚል ስም አለው።
የጌታዎች ጌታ ኢየሱስ ክርስቶስ፤ ነው፤፤
ወደ ሮሜ ሰዎች 9፤5
አባቶችም ለእነርሱ ናቸውና፤ ከእነርሱም ክርስቶስ በሥጋ መጣ፥ እርሱም ከሁሉ በላይ ሆኖ ለዘላለም የተባረከ አምላክ ነው፤ አሜን።

ትንቢተ ኢሳይያስ 45፤22-23 እናንተ የምድር ዳርቻ ሁሉ፥ እኔ አምላክ ነኝና፥ ከእኔም በቀር ሌላ የለምና ወደ እኔ ዘወር በሉ ትድኑማላችሁ።

ስንት አምላክ አለን አንድ አብ ወልድ መንፈስ ቅዱስ ማለት ነዉ፤፤ስላሴ ካልተቀበልክ ሁለት አምላክ ልትቀበል ነው ምከንያቱም ከእኔም በቀር ሌላ የለምና
የሐዋርያት ሥራ 20
በገዛ ደሙ የዋጃትን የእግዚአብሔርን ቤተ ክርስቲያን ትጠብቁአት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ።

በደሙ የዋጃን ኢየሱስ ክርስቶስ፤ነዉ እርሱም እግዚአብሔር ተብአሎል፤፤
2 ዓመታት በፊት ስም-አልባ የተመለሰ
ልክ ነህ ወዳጄ፣ የአማርኛው መጽሐፍ ቅዱሳችን ብቻ ሳይሆን ሌሎች ብዙ ትርጉሞች ዮሐንስ 1፡1ን "ቃልም እግዚአብሔር ነበረ" ብለው መተርጎምን መርጠዋል። ለምን? ባላቸው ኃይማኖታዊ አስተምህሮ ትርጉም ስራቸውን ስለቃኙት።

አዲስ ኪዳን በተጻፈበት በግሪክ ቋንቋ ይህ ጥቅስ "ካይ ቴኦስ ሄን ኦ ሎጎስ" ማለትም "ቃልም አምላክ ነበረ" ተብሎ ተጽፏል።

ስለኢየሱስ አምላክነት ከብሉይ ኪዳን ጀምሮ የተጻፈ ነው። በኢሳይያስ 6፡9 ላይ "ኃያል አምላክ" ተብሎ እንደሚጠራ በነቢዩ ተነግሯል።

እርሱ ራሱ በዮሐንስ 10፡34 እና 35 ላይ "እኔ አማልክት [አምላኮች] ናችሁ ተብሎ በህጋችሁ የተጻፈ አይደለምን? . . . እነዚያን የእግዚአብሔር ቃል የመጣላቸውን አማልክት ካላቸው . . ." በማለት የርሱ አምላክ መባል፣ የርሱ የእግዚአብሔር ልጅ መባል ሊያስደንቃቸው እንደማይገባ ለአይሁድ ገልጿል። እንኳን አይደለም እግዚአብሔር "ዓለማትን የፈጠረበትን ልጁን"፣ ለዓለም ሲል ህይወቱን የሰጠንን ኢየሱስ ክርስቶስን ይቅርና ተራ ሰብዓዊ ፈራጆች እንኳ አምላክ ተብለዋል። ያንንም ያለው ራሱ እግዚአብሔር ነው። ስለአምላክ የራሳችንን ትርጉም እየሰጠን ተምታተን ሰውን ከምናምታታ የመጽሐፉን ቃል በትክክል እናንብብ። አምላክ ማለት" ኃያል፣ ትልቅ ጉልበት ያለው" ማለት ነው፣ አራት ነጥብ!።

በአማርኛ ሳይሆን በመጽሐፍ ቅዱስኛ እናስብ።

1ኛ የዮሐንስ መልእክት 5፡5-7ን ጠቀስክ። መልካም ይህ ጥቅስ በ1879 የአማርኛ መጽሐፍ ቅዱስ ላይ አንተ እንዳልከው ኪንግ ጀምስ ላይ እንዳለው እንዲህ ይላል "በሰማይም የሚመሰክሩ አብ፣ ወልድና መንፈስ ቅዱስ ናቸው። እሊህም አንድ ናቸው"። ይህ ቃል በመጽሐፉ የተጨመረው የሥላሴ እምነት በቤተክርስቲያን ከተመሰረተበት 4ኛው መቶ ክፍለ ዘመን በኋላ ነው። በመሆኑም ከዚያ በፊት በነበሩ የ1ኛ ዮሐንስ መልእክት ግሪክኛ ቅጂዎች ውስጥ አልተገኘም። የዘመናችን ተርጓሚዎችም ይህን ዓይኑን ያፈጠጠ ክህደት አውጥተው ጥለዋል። [Refer all the Bible translations you can get]

የጥቅሱ ቁም ነገር ምንድነው? ውሃው፣ ደሙ እና መንፈሱ ኢየሱስ የእግዚአብሔር ልጅ መሆኑን የመሰከሩት እንዴት ነው? -
(1)ኢየሱስ ከውሃ በተጠመቀ ጊዜ እግዚአብሔር ራሱ "የምወደው ልጄ" በማለት መስክሮለት ነበር - ማቴዎስ 3፡17
(2) በደሙ ቤዛን ያገኘንበት ኢየሱስ ደሙን በማፍሰስ ለሰው ልጅ ሁሉ መዳንን በማምጣት የእግዚአብሔር ልጅ መሆኑን አስመስክሯል - 1ኛ ጢሞቴዎስ 2፡5-6
(3) በአገልግሎቱ ወቅት ልዩ ልዩ ተዓምራትን እንዲያደርግ በማስቻል መንፈስ ቅዱስም ኢየሱስ የእግዚአብሔር ልጅ መሆኑም አስመስክሯል - ሉቃስ 5፡17

ኢየሱስ ጌታ ነው፣ አዎን የጌታዎች ሁሉ ጌታ! ሰው ሁሉ ይህን ጌታ ሊገዛለት ያስፈልገዋል። ምክንያቱም እግዚአብሔር ኢየሱስን "ጌታም ክርስቶስም አድርጎ" ሾሞታል። (የሐዋርያት ሥራ 2፡36) ለጌታችን ለኢየሱስ አለመገዛት ሹመት ለሰጠው ክብር አለመስጠት ነው። (ፊልጵስዩስ 2፡11) እናም እግዚአብሔር በቅርቡ "ባዘጋጀው ሰው" በኢየሱስ ክርስቶስ እጅ "በዓለሙ ላይ በጽድቅ ሊፈርድ አለው፤ ስለዚህም እርሱን ከሙታን በማስነሣቱ ሁሉን አረጋግጦአል።" - የሐዋርያት ሥራ 17፡31።

በሥላሴ ውይይት ውስጥ የሚነሱ የተወሰኑ አጨቃጫቂ ጥቅሶች አሉ። ለምን? እነዚህ ጥቅሶች ከአንድ በላይ ትርጉም ሊሰጣቸው ይችላሉና። በአንድ ምሳሌ ለማስረዳት፦ "The man saw the girl with the telescope" የሚል የእንግሊዝኛ ቋንቋ ምሳሌ እናንሳ። በአማርኛ እንዴት ትገንጸዋለህ? - 1) ሰውየው ልጅቱን በቴሌስኮፕ አያት፤ 2) ሰውየስ ልጅቱን ቴለስኮፕ ይዛ አያት
ሁለቱም ያስኬዳል።

እውነታውን ታዲያ እንዴት እናውቃለን? ቀላሉ መንገድ ከጥቅሱ ዙሪያ ያለውን ሃሳብ መረዳት፣ ከዚያም ሲያልፍ ሌሎች ጥቅሶች በጉዳዩ ላይ ምን እንደሚሉ ማገናዘብ። ካነሳኸው ላይ የሐዋርያት ሥራ 20፡28ን ጥቅስ ብንወስድ የግሪክኛውን ሃረግ "ዲያ ቶ ሃይማቶስ ቶው ኢዲዮ" (ቃል በቃል "በገዛ እንትኑ ደም") የሚለውን አንዳንዶች "በገዛ ደሙ"፣ ሌሎች "በገዛ ልጁ ደም"፣ አሁንም ሌሎች "በገዛ . . . ደም" በማለት ተርጉመዋል። (ለምሳሌ Todays English VersionThe Holy Bible in Modern English) እናስ እውነታውን እንዴት እንወቅ? ከጉዳዩ ጋር የሚገናዘቡ ሌሎች ጥቅሶችስ ምን ይላሉ?

1ኛ ዮሐንስ 1፡7 "የልጁም የኢየሱስ ክርስቶስ ደም ከኃጢአት ሁሉ ያነጻናል።"
ኤፌሶን 1፡7 "በውድ ልጁም፥ እንደ ጸጋው ባለ ጠግነት መጠን፥ በደሙ የተደረገ ቤዛነታችንን አገኘን እርሱም የበደላችን ስርየት።"
ዕብራውያን 9፡14፡ "ነውር የሌለው ሆኖ በዘላለም መንፈስ ራሱን ለእግዚአብሔር ያቀረበ የክርስቶስ ደም እንዴት ይልቅ ሕያውን እግዚአብሔርን ልታመልኩ ከሞተ ሥራ ሕሊናችሁን ያነጻ ይሆን?"

ነጥቡ ግልጽ ነውና መልሱን ለአንባቢ ልተወው።

ኢየሱስ ክርስቶስ በእግዚአብሔር እቅድ ውስጥ ትልቅ ቦታ ያለው በሰማይ በግርማው ቀኝ የተቀመጠ የነገሥታት ንጉሥ የጌቶች ጌታ ነው። በእርሱ ለምናምን፣ እርሱን ጌታ አድርጎ በሾመልን በአባቱ ለምናምን (ዮሐንስ 14፡1) ኢየሱስ የዘላለም አባት፣ ገዢያችን ሆኗል። እኛ የርሱ ነን፣ እርሱ ደግሞ የእግዚአብሔር ነው። (1ኛ ቆሮንቶስ 3፡23)

ሰላም
0 ድምጾች
ስለ ስላሴ
ኦሪት ዘፍጥረት 1
1 በመጀመሪያ እግዚአብሔር ሰማይንና ምድርን ፈጠረ።
ኦሪት ዘፍጥረት 1
26 እግዚአብሔርም አለ፦ ሰውን በመልካችን እንደ ምሳሌአችን እንፍጠር የባሕር ዓሦችንና የሰማይ ወፎችን፥ እንስሳትንና ምድርን ሁሉ፥ በምድር ላይ የሚንቀሳቀሱትንም ሁሉ ይግዙ። 27 እግዚአብሔርም ሰውን በመልኩ ፈጠረ በእግዚአብሔር መልክ ፈጠረው ወንድና ሴት አድርጎ ፈጠራቸው።
በመልካችን እንደ ምሳሌአችን በማለት በብዙ ቁጥር ተገልጸል ስለዚህ እግዚአብሔር ከአንድ በላይ ገጸ እንዳለዉ እንረዳለን ነገር ግን አንድ መሆኑን ለመግለጸ ደግሞ እግዚአብሔርም አለ; አለ አንጂ እግዚአብሔርም አሉ አላለም፤
ትንቢተ ኢሳይያስ 6፥
3 አንዱም ለአንዱ። ቅዱስ፥ ቅዱስ፥ ቅዱስ፥ የሠራዊት ጌታ እግዚአብሔር ምድር ሁሉ ከክብሩ ተሞልታለች እያለ ይጮኽ ነበር።
ሶስትነትን የሚያሳይ የመላክት ምስጋና ነዉ፤፤
ማቴዎስ ወንጌል 28
19 እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤
24 ሁሉን የፈጠርሁ፥ ሰማያትን ለብቻዬ የዘረጋሁ ምድርንም ያጸናሁ እግዚአብሔር እኔ ነኝ ከእኔ ጋር ማን ነበረ?
ከእግዚአብሔር ጋር ማን ነበረ እግዚአብሔር ሰማይንና ምድርን ሲፈጥር ማንም አልነበረም ብቻዉን ነዉ፤፤
እየሱስ ክርስቶስ ፈጠረን ከባህሪ አባቱ ከአብ ከባህሪ ሀይወቱ ከመንፈስ ቅዱስ ጋር
ትንቢተ ኢሳይያስ 45
7 ብርሃንን ሠራሁ፥ ጨለማውንም ፈጠርሁ ደኅንነትን እሠራለሁ፥ ክፋትንም እፈጥራለሁ እነነዚህን ሁሉ ያደረግሁ እግዚአብሔር እኔ ነኝ።
የዮሐንስ ወንጌል 1
3 ሁሉ በእርሱ ሆነ፥ ከሆነውም አንዳች ስንኳ ያለ እርሱ አልሆነም።

ቆላስይስ ሰዎች 1
እርሱም የማይታይ አምላክ ምሳሌ ነው። የሚታዩትና የማይታዩትም፥ ዙፋናት ቢሆኑ ወይም ጌትነት ወይም አለቅነት ወይም ሥልጣናት፥ በሰማይና በምድር ያሉት ሁሉ በእርሱ ተፈጥረዋልና ከፍጥረት ሁሉ በፊት በኵር ነው። ሁሉ በእርሱና ለእርሱ ተፈጥሮአል።
ትንቢተ ሚልክያስ 2
10 ሁላችን አንድ አባት ያለን አይደለምን? አንድ አምላክስ የፈጠረን አይደለምን?

ሁላችን አንድ አባት አለን እርሱም እግዚአብሔር ነው ፤፤አንድ አምላክስ የፈጠረን አይደለምን?አዎ እግዚአብሔር ፈጠረን ፤፤ስለዚህ እግዚአብሔር ስንል አብ ወልድና መንፈስ ቅዱስ ነዉ፤፤ ማለት ነዉ



እየሱስ ክርስቶስ አምላክ ነዉ፤፤
ሮሜ ሰዎች 9
5 እርሱም ከሁሉ በላይ ሆኖ ለዘላለም የተባረከ አምላክ ነው፤ አሜን።
ዮሐንስ ወንጌል 20
28 ቶማስም። ጌታዬ አምላኬም ብሎ መለሰለት
ትንቢተ ኢሳይያስ 9
6 ሕፃን ተወልዶልናልና፥ ወንድ ልጅም ተሰጥቶናልና አለቅነትም በጫንቃው ላይ ይሆናል ስሙም ድንቅ መካር፥ ኃያል አምላክ፥ የዘላለም አባት፥ የሰላም አለቃ ተብሎ ይጠራል።


1ኛ ወደ ጢሞቴዎስ 3
16 እግዚአብሔርንም የመምሰል ምሥጢር ያለ ጥርጥር ታላቅ ነው፤ በሥጋ የተገለጠ፥ በመንፈስ የጸደቀ፥ ለመላእክት የታየ፥ በአሕዛብ የተሰበከ፥ በዓለም የታመነ፥ በክብር ያረገ።
እግዚአብሔርን ማን ይመሰለዋል ከራሱ ከእግዚአብሔርን በቀር የእየሱስ ክርስቶስ እግዚአብሔርን መምሰል እግዚአብሔርነቱ ብቻ ነዉ፤፤
ዮሐንስ ወንጌል 14
9 ፊልጶስ። ጌታ ሆይ፥ አብን አሳየንና ይበቃናል አለው። 9 ኢየሱስም አለው፦ አንተ ፊልጶስ፥ ይህን ያህል ዘመን ከእናንተ ጋር ስኖር አታውቀኝምን?
እኔን ያየ አብን አይቶአል፤ እንዴትስ አንተ። አብን አሳየን ትላለህ?

በብዙ ቦታዋች የተገለጸው እግዚአብሔር አምላክህ አንድ መሆኑን ሌላ አምላክ አለመኖሩን ብቻ ነዉ፤፤
ኦሪት ዘጸአት 20
2 ከግብፅ ምድር ከባርነት ቤት ያወጣሁህ እግዚአብሔር አምላክህ እኔ ነኝ። 3 ከእኔ በቀር ሌሎች አማልክት አይሁኑልህ።
እግዚአብሔር አምላክህ እኔ ነኝ።
ኦሪት ዘዳግም 6
4 እስራኤል ሆይ፥ ስማ አምላካችን እግዚአብሔር አንድ እግዚአብሔር ነው
እግዚአብሔርም አምላክ እንደ ሆነ ታውቅ ዘንድ ይህ ለአንተ ተገለጠ ከእርሱም ሌላ አምላክ የለም።
ትንቢተ ኢሳይያስ 43
10 ታውቁና ታምኑብኝ ዘንድ እኔም እንደሆንሁ ታስተውሉ ዘንድ፥ እናንተ የመረጥሁትም ባሪያዬ ምስክሮቼ ናችሁ ይላል እግዚአብሔር ከእኔ በፊት አምላክ አልተሠራም ከእኔም በኋላ አይሆንም።
ትንቢተ ኢሳይያስ 44
6 የእስራኤል ንጉሥ እግዚአብሔር፥ የሚቤዥም የሠራዊት ጌታ እግዚአብሔር እንዲህ ይላል፦ እኔ ፊተኛ ነኝ እኔም ኋለኛ ነኝ፥ ከእኔ ሌላም አምላክ የለም። 7፤ እንደ እኔ ያለ ማን ነው? ይነሣና ይጥራ ይናገርም፤ ከጥንት የፈጠርሁትን ሕዝብ ያዘጋጅልኝ፥ የሚመጣውም ነገር ሳይደርስ ይንገሩኝ።
እየሱስ ክርስቶስም አልፋና ዖሜጋ፥ ፊተኛውና ኋለኛው፥ መጀመሪያውና መጨረሻው ነዉ፤፤
የዮሐንስ ራእይ 22
13 አልፋና ዖሜጋ፥ ፊተኛውና ኋለኛው፥ መጀመሪያውና መጨረሻው እኔ ነኝ።
ወደ ሮሜ ሰዎች 3
30 እግዚአብሔር የአይሁድ ብቻ አምላክ ነውን? የአሕዛብስ ደግሞ አምላክ አይደለምን? አዎን፥ የተገረዘን ስለ እምነት ያልተገረዘንም በእምነት የሚያጸድቅ አምላክ አንድ ስለ ሆነ የአሕዛብ ደግሞ አምላክ ነው።
1ኛ ወደ ቆሮንቶስ ሰዎች 8
4እንግዲህ ለጣዖት የተሠዋውን ሥጋ ስለ መብላት፥ ጣዖት ሁሉ በዓለም ከንቱ እንደ ሆነ ከአንዱም በቀር ማንም አምላክ እንደሌለ እናውቃለን።
የያዕቆብ መልእክት 2
19 እግዚአብሔር አንድ እንደ ሆነ አንተ ታምናለህ፤ መልካም ታደርጋለህ፤ አጋንንት ደግሞ ያምናሉ ይንቀጠቀጡማል።
መዝሙረ ዳዊት 136
እግዚአብሔርን አመስግኑ ቸር ነውና፥ ምሕረቱ ለዘላለም ነውና።
2 የአማልክትን አምላክ አመስግኑ ምሕረቱ ለዘላለም ነውና።

3የጌቶችን ጌታ አመስግኑ ምሕረቱ ለዘላለም ነውና

እግዚአብሔር እየሱስ ክርስቶስ ጌታ ብቻ አይደለም የጌታዎች ጌታ ነዉ፤፤
እግዚአብሔር እየሱስ ክርስቶስ ንጉሥ ብቻ አይደለም የነገሥታት ንጉሥ ነዉ፤፤
የዮሐንስ ራእይ 19
16 በልብሱና በጭኑም የተጻፈበት። የነገሥታት ንጉሥና የጌታዎች ጌታ የሚል ስም አለው።
የዮሐንስ ራእይ 17
14 እነዚህ በጉን ይወጋሉ፤ በጉም የጌቶች ጌታና የነገሥታት ንጉሥ ስለ ሆነ እነርሱን ድል ይነሣል፥ ከእርሱም ጋር ያሉ የተጠሩና የተመረጡ የታመኑም ደግሞ ድል ይነሣሉ።

በብዙ ቦታዎች አዲስ ኪዳን በተጻፈበት በግሪክ ቋንቋ እንዲህ አይልም ለተባለዉ ብዙዎች ግርኮች ስላሴን የተቀበሉ መሆናቸዉ ግልጸ ነው፤ ቅዱስ መጸሀፉም የሚመሰክረው ይህንኑ ነው፤፤
2 ዓመታት በፊት ስም-አልባ የተመለሰ
ወዳጄ

እኔ የምልህ አዲስ ኪዳን በተጻፈበት የግሪክኛ ቋንቋ የተባለውን ነው። የማወራልህ ስለ ግሪኮች ወይም ስለ ግሪክ ፍልስፍና አይደለም። የክርስትና ሥላሴ ሳይመሰረት ከ800 ዓመታት በፊት የኖረው ፕላቶ ስለ ግሪክ አማልክት የባህርይ ሥላሴነት ሲያስተምር የነበረ ሰው ነበር።

ከክርስትና በፊት የነበረው የግብጽ እምነትም "ኦሲሪስ"፣ "አይሲስ" እና "ሆረስ" በሚባሉ የሶስት አማልክት ጥምረት ላይ የተመሰረተ ነበር።

እንደውም የግሪክ ፍልስፍና የክህደቱ ምንጭ ነው። አንተም እንዳልከው የሥላሴ አማኞች ናቸው። እኔ ይህ አይገደኝም!።

ስላነሳሃቸው ጥቅሶች እንነጋገር ይልቅ።

ዘፍጥረት 1፡26፡ "በመልካችን እንደ ምሳሌያችን እንፍጠር አለ"
- እንዴት እንደተገናኘልህ አይገባኝም። "አበበ እንሂድና ምሳ እንብላ አለ" ለሚለው ምን መልስ ትሰጣለህ? አበበ "እንሂድ" ስላለ ብዙ ነው "አለ" ስለተባለ አንድ ነው፣ ስለዚህ አንድም ሦስትም ነው! ስታስበው ያስኬዳል?

ኢሳይያስ 6፡3 ላይ "ቅዱስ፣ ቅዱስ፣ ቅዱስ" ይሉ ነበር ኪሩቤል። ይህን ጥቅስ ከጥንት ጀምሮ የነበሩ "አባቶች" ሲጠቀሙበት እንደነበር ይታወቃል። ቅዱስ የሚለው ቃል ሦስት ጊዜ ስለተጠቀሰ ሥላሴን ነው የሚያመለክተው ካልን፣

በሕዝቅኤል 21፡27 ላይ "ባድማ፥ ባድማ፥ ባድማ አደርጋታለሁ" የሚለውን የትኛውን ሥላሴ ያመለክት ይሆን?

በኢሳይያስ 21፡9 ላይ "ባቢሎን ወደቀች ወደቀች" የሚለውስ ባቢሎን በሁለት የተጣመረች አማልክት ነገር ትሆን? (ራእይ 14፡8 እና 18፡2ን ጨምርበት)

እንደው ባጠቃላይ የባቢሎንን አወዳደቅ ለማጉላት አይመስልህም? የእግዚአብሔር አምላካችንን እጅግ የከበረ ቅድስና ለማጉላት "ቅዱስ፣ ቅዱስ፣ ቅዱስ" ቢባል ይበዛበት ይሆን? አየህ ለእኔ በሥላሴ ትምህርት ባልተቃኘ ጭንቅላት ሳነበው የሚሰጠኝ መልእክት እንዲህ ግልጽ ያለ ከየትኛውም የመጽሐፍ ቅዱስ ሃሳብ ጋር የማይጋጭ ነው።

ኢሳይያስ 45፡7 ላይ ". . . እነዚህን ሁሉ ያደረግሁ እግዚአብሔር እኔ ነኝ" ይላል።
ዮሐንስ 1፡3፡ "ሁሉ በእርሱ [በክርስቶስ] ሆነ" ይላል። በመሆኑም ኢየሱስ እግዚአብሔር ነው ብለህ የደመደምኸው አያስኬድም። ምክንያቱም እነዚህ ጥቅሶች ላይ አንድ ሌላ ብንጨምር ነገሩ ግልጽ ይሆናል።

ዕብራውያን 1፡1-3 ላይ ጳውሎስ "እግዚአብሔር . . . ዓለማትን በፈጠረበት በልጁ" በማለት በፍጥረት ወቅት እግዚአብሔር ዓለማትን ለመፍጠር በልጁ እንደተጠቀመ ነግሮናል።

ዮሐንስም በወንጌሉ ም. 1፡3 ላይ (እንደ ግሪክኛው ትክክለኛ አገላለጽ) "ሁሉ በእርሱ በኩል ሆነ" ይለናል። ዮሐንስ ሲጽፍ እዚህ ላይ "ዲያ" የሚል የግሪክኛ ቃል ተጠቅሟል። ቀጥተኛ ትርጉሙም "በኩል" [በእንግሊዝኛ THROUGH] ማለት ነው። ይህንኑ ቃል ተጠቅሞ ጳውሎስ በ1ኛ ቆሮንቶስ 8፡5-6 ላይ እኛ ሁላችን "በክርስቶስ በኩል" መገኘታችንን ገልጿል።

ስለዚህ ሁሉን የፈጠረው እግዚአብሔር ነው፣ የፈጠረው ግን በልጁ በኩል ነው ብንል የመጽሐፍ ቅዱስ ገጾች ሁሉ አሜን ብለው ይቀበሉናል።

(ሮሜ 9፡5፤ ዮሐንስ 20፡28፤ ኢሳይያስ 9፡6) ኢየሱስ አምላክ እንደሆነ ይናገራሉ፣ አዎን ኢየሱስ አምላክ ነው፣ ጥያቄ የለውም። እግዚአብሔርም አምላክ ስለተባለ እንግዲያው ሁለት አምላክ ሊኖር ነው፤ ነገር ግን ያለው አንድ አምላክ ነው ብለህ ላነሳኸው ነጥብ ግልጽ እንዲሆንልን አንድ ጥቅስ እንጨምርበት፡

ቆላስይስ 1፡15 "እርሱ [ክርስቶስ] የማይታይ አምላክ ምሳሌ ነው" (የእግዚአብሔር የክብሩ ነጸብራቅ ነው - ዕብራውያን 1፡3) እንግዲህ ምን እንላለን?

አዎን እውነተኛው አምላክ አንድ ነው፤ አማልክት የሚባሉ ምንም ቢኖሩ፣ ወይ የሐሰት አማልክት ናቸው፣ አሊያም የእውነተኛው አምላክ ነጸብራቅ ናቸው። (1ቆሮንቶስ 8፡4-6) ሙሴ "አምላክ" / "በእግዚአብሔር ፋንታ" ሆነ ተብሏል። (ዘጸአት 4፡16 እና 7፡1) መላእክትም "አማልክት" እንደሆኑ ተጠቅሷል። (መዝሙር 8፡5 በዕብራይስጥ "ከአማልክት ይልቅ" ይላል)

ኢየሱስ ክርስቶስ ራሱ አባቱን "ብቻህን እውነተኛ አምላክ የሆንህ" በማለት ነገሩን ይበልጥ ግልጽ አድርጎልናል።


ሌላው 1ኛ ጢሞቴዎስ 3፡16 ላይ ያለውን "እግዚአብሔርን የመምሰል ምስጢር" የሚለውን ጠቅሰሃል። መምሰልና መሆን ይለያያል ወዳጄ። አይደለም ክርስቶስ ኢየሱስ እኛም እግዚአብሔርን እንድንመስል ታዘናል። (እዛው 1ኛ ጢሞቴዎስ 2፡1-2፤ 5፡4፤ 6፡4-6፤ 6፡11 እና 2ኛ ጴጥሮስ 1፡6 ላይ ማየት ይቻላል)። እግዚአብሔርን መምሰል ማለት ለአምላክ ያደሩ መሆን ማለት ነው፣ ለእርሱ መሰ'ጠት ማለት ነው።


ሌላው ዮሐንስ 14፡9 ላይ ያለውን "እኔን ያየ አብን አይቶአል" እንደ ማስረጃ ጠቅሰሃል። ምን እያለን ነው ኢየሱስ? እኔ አብ ነኝ እያለን ነው? ወይስ ቁጥር 11 ላይ "እኔ በአብ እንዳለሁ አብም በእኔ እንዳለ እመኑኝ፤ ባይሆንስ ስለ ራሱ ስለ ሥራው እመኑኝ" እንዳለው እርሱ የሰራው አብ "ሥራ" ብሎ የላከውን ተግባር ማከናወኑን አይተው ሰዎች በክርስቶስ እንዲያምኑ? ነጥቡ ግልጽ ነው።

ለዛሬ እዚህ ላይ ይብቃን


አመሰግናለሁ።
0 ድምጾች
ስለ ስላሴ ከተረዱ ሌላው ቁልፉ ነገር

ክርስቶስ ሰዉ መሆን ሚስጥር ነው

ኦሪት ዘፍጥረት 2
7እግዚአብሔር አምላክም ሰውን ከምድር አፈር አበጀው በአፍንጫውም የሕይወት እስትንፋስን እፍ አለበት ሰውም ሕያው ነፍስ ያለው ሆነ።
15 እግዚአብሔር አምላክም ሰውን ወስዶ ያበጃትም ይጠብቃትም ዘንድ በዔድን ገነት አኖረው።
17 ነገር ግን መልካምንና ክፉን ከሚያስታውቀው ዛፍ አትብላ ከእርሱ በበላህ ቀን ሞትን ትሞታለህና።
18 እግዚአብሔር አምላክም አለ፦ ሰው ብቻውን ይሆን ዘንድ መልካም አይደለም የሚመቸውን ረዳት እንፍጠርለት።
20 እግዚአብሔር አምላክም ከአዳም የወሰዳትን አጥንት ሴት አድርጎ ሠራት ወደ አዳምም አመጣት።
ኦሪት ዘፍጥረት 3
6ከፍሬውም ወሰደችና በላች ለባልዋም ደግሞ ሰጠችው እርሱም ከእርስዋ ጋር በላ።
ስለዚህ እግዚአብሔር እና ሰዉ ተጣሎ እግዚአብሔርም ቸር ስለሆነ በዳይን አዳምን
ይቅር ለማለት ወሰነ ለዚሀ ደግሞ መታረቂያ ንጸህ መስዋአት አስፈለገ በደሎም ግዙፍ ስለሆነ የፍጠራን ሰውና እንስሳ ደም በቂ አልነበረም እግዚአብሔር መሀረ ስለሆነ ተቀዳሚ ተከታይ በሌለው በአንድ ልጁ ስጋ ለብሶ እንዲሰዋ ወሰነ፤፤
ኦሪት ዘፍጥረት 3
15በአንተና በሴቲቱ መካከል፥ በዘርህና በዘርዋም መካከል ጠላትነትን አደርጋለሁ እርሱ ራስህን ይቀጠቅጣል፥ አንተም ሰኰናውን ትቀጠቅጣለህ።
ባለው መሰረት በዳይም ተበዳይም ልጅ ልጃቸውን አዋጥተው የአምላክም ልጅ አምላክ ኢየሱስ ክርስቶስ ፤እግዚአብሔር ወልድ፤አማኑአል በመባል ስጋ ለበሰ፤፤ስጋና መለኮት ተዋሀደ ሰው ሆነ፤የሰው ልጅ ጠላትን ሰይጠንን ድል ነስቶ ከዳቢሎስ ባርነት ነጻ አወጠን ከሶስቱ አካላት አንዱ በተለይ አካሉ እግዚአብሔር ወልድ ስጋ ለብሶ ፤ተሰቃይቶ ፤ተገርፎ፤ተሰቅሎ፤ አለምን አዳነ፤፤በመስቀል ላይ ከአባቱ ከአብ ከራሱ ጋርና ከመንፈስ ቅዱስ ጋር አስታረቀን፤፤
2ኛ ወደ ቆሮንቶስ ሰዎች 5
18ነገር ግን የሆነው ሁሉ፥ በክርስቶስ ከራሱ ጋር ካስታረቀን የማስታረቅም አገልግሎት ከሰጠን፥ ከእግዚአብሔር ነው፤ 19 እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና፥ በደላቸውን አይቆጥርባቸውም ነበር፤ በእኛም የማስታረቅ ቃል አኖረ።

ኢየሱስ ክርስቶስ በመለከቱ የአብ ልጅ በስጋው የማርም ልጅ ይባላል፤፤
ኢየሱስ ክርስቶስ በመለከቱ አምላክ፤ አምላከ አምላክት ነው፤፤
ኢየሱስ ክርስቶስ በስጋው ንጉሰ ነገስት፤ሊቀ ካህናት፤ነው፤፤

ኢየሱስ ክርስቶስ ሰው በመሆኑ በትንሽ ትንሹ አድጎል፤ እንደ እጻን አድጎል፤ተርቦል፤ተጠምቶል፤ምራቅ ደም ወቶታል ሙቶል----
ኢየሱስ ክርስቶስ በመለከቱ በድንግልና ተወልዶል፤በተዘጋ ቤት ገብቶል፤በባህር ላይ ሄዶል፤ሙታንን አስነስቶል፤ከሞት ተነስቶል፤፤ወዘተ
ስለዚህ ሰውም አምላክም የሆነ እግዚአብሔር ወልድ ኢየሱስ ክርስቶስ በተለይ በአዲስ ኪዳን የተነገሩትን ቃላት ፤ምንባብ ፤አርፍተ ነገር ስናነብ የመራብን፤መጠማትን፤መየጠቅን፤መድከምን፤መጸምን፤መጸለይን፤ማማለድን፤የመሳሰሉትን የኢየሱስ ክርስቶስ የስጋ የማርያም ልጅ ባህሪ ናቸው፤፤
የኢየሱስ ክርስቶስ መለኮት ባህረ ደግሞ የእግዚአብሔር ልጅ መሆን፤ቃልነቱ፤ከአብ ጋር አንድ መሆን፤መንፈስ ቅዱስን መላኩ፤የጌታዎች ጊታ መሆኑ፤የሚሰገድለት መሆኑ፤ጸሎት ተቀባይ መሆኑ፤ሀጥአትን ይቅር ባይ መሆኑ ወዘተ ናቸው፤፤ታዲያ በሁለት ባህሪ በተዋህዶ አንድ ኢየሱስ ክርስቶስ እንላለዋለን፤፤
ዮሐንስ ወንጌል 9
6ይህን ብሎ ወደ መሬት እንትፍ አለ በምራቁም ጭቃ አድርጎ በጭቃው የዕውሩን ዓይኖች ቀባና። 7 ሂድና በሰሊሆም መጠመቂያ ታጠብ አለው፤ ትርጓሜው የተላከ ነው። ስለዚህ ሄዶ ታጠበ እያየም መጣ።
ስለዚህ መጸሀፍ ቅዱስ አንባቢ ክርስቲይን ማስተዋል ይህንን ነው እንጂ አንድ ጥቅስ ይዞ ፍጠር ነው፤አማላጅ ነው፤የተቀባ፤አንድ ገጸ፤ነብይ፤አብ ይበልጣል ወዘተ ትክክል አይደለም፤፤በማቲ 7 የተገለጸውን ማስተዋል ነው፤፤
20በሰማያት ያለውን የአባቴን ፈቃድ የሚያደርግ እንጂ፥ ጌታ ሆይ፥ ጌታ ሆይ፥ የሚለኝ ሁሉ መንግሥተ ሰማያት የሚገባ አይደለም። 22 በዚያ ቀን ብዙዎች። ጌታ ሆይ፥ ጌታ ሆይ፥ በስምህ ትንቢት አልተናገርንምን፥ በስምህስ አጋንንትን አላወጣንምን፥ በስምህስ ብዙ ተአምራትን አላደረግንምን? ይሉኛል። 23 የዚያን ጊዜም። ከቶ አላወቅኋችሁም፤ እናንተ ዓመፀኞች፥ ከእኔ ራቁ ብዬ እመሰክርባቸዋለሁ።
ስለዚህ ይሁዳ መልእክት 1
3 ለቅዱሳን አንድ ጊዜ ፈጽሞ ስለ ተሰጠ ሃይማኖት እንድትጋደሉ እየመከርኋችሁ እጽፍላችሁ ዘንድ ግድ ሆነብኝ።
ይቆየን
2 ዓመታት በፊት ስም-አልባ የተመለሰ

የተዛመዱ ጥያቄዎች

2 መልሶች
3 መልሶች
6 ዓመታት በፊት መንፈሳዊ ፍቅር (140 ነጥቦች) የተጠየቀ
2 መልሶች
2 መልሶች
4 ዓመታት በፊት መንፈሳዊ ስም-አልባ የተጠየቀ
የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2017 by iyesus.com
Terms of use | Contact us