መዋጀት ምን ማለት ነው?

Question

መዋጀት ማለት ምን ማለት ነው? እስኪ የሚታውቁ አስረዱኝ?

Answer 1

መዋጀት ማለት፣ በሌላ አካል ተይዞ የነበረን የራስን ንብረት ዋጋ (መስዋእት) ከፍሎ ማስለቀቅ ነው

Comments

መዋጀት ማለት ለመክፈል ፈጽሞ በማይቻል ምክንያት ሕግን በመተላለፍ በእርግማን ስር ወድቆ ባለእዳ በመሆን ተይዞ የነበረን (የአዳምን ልጅ)፤ ባለእዳዉ(የአዳም ልጅ) ሊከፍለዉ የማይችለዉን መስዋእት በመክፈል የራስ ማድረግ ማለት ነዉ። ይህንን መስዋእት የሚከፍለዉ ባለእዳዉ ሳይሆን ሌላ ነዉ ያም ጌታ ኢየሱስ ነዉ። ከዚህም ጊዜ ጀምሮ የተዋጀዉ ሰዉ የራሱ ሳይሆን ዋጋ ከፍሎ የዋጀዉ የኢየሱስ ነዉ (1 ቆሮ.6፡20)። የሚከፈለዉ የመስዋእት ዋጋ ሕግ የሚጠይቀዉን (የሞት ዋጋ) ለእግዚአብሔር ሲሆን፤ ከፋዩ ወይም የሚዋጀዉ ደግሞ ምንም እንከን የሌለበት ፍጹም አምላክና ፍጹም ሰዉ የሆነዉ ጌታችን ኢየሱስ ብቻ ነዉ። ስለዚህ ኢየሱስ ሰዉን የዋጀዉ ከሕግ እርግማን (ገላ. 3፡13) ለእ/ር ተገቢዉን የሞት ዋጋ ከፍሎ እንጂ ለጠላት ለዲያብሎስ የሞት ዋጋ ከፍሎ አለመሆኑን ልናስተዉል ይገባል። እ/ር ማስተዋልን ይስጠን!
ወንድይፍራዉ ንጋቱ

Answer 2

ከመጀመሪያው የግል ወይም የራስ የነበረውን ነገር ግን በጠላት ተታሎም ይሁን ተገዶ ተወስዶ የነበረውን እንደገና ዋጋ ከፍሎ መውሰድ ወይም መግዛት ማለት ነው መዋጀት።

Comments

እንደመላሹ አባባል የተዋጀነዉ ከጠላት እጅ መሆኑ ነዉ፤ እንዲህ ከሆነ ደግሞ ኢየሱስ ዋጋ የከፈለዉ ለጠላት ለዲያብሎስ ነዉ ማለት ነዉ። ታዲያ ይህ እዉነት ነውን?

Answer 3

ሙሉ በሙሉ በአንድ ነገር መሸፈን፡፡ ለምሳሌ እየሱስ ክርስቶስ እኛን በደሙ ዋጅቶናል፡፡