እግዚአብሄር መምጫው ደርሷል ይባላል ምልክቱ ምን ይሆን?

Question

በፋሚሊ ሬዲዮ ላይ ሁሌ መምጫውን እንደተቃረበ እንደውም ግንባት 21 2011 መሆኑን ሁሉ ይገልፃሉ። ታዲያ በምን እርግጠኛ መሆን ይቻላል? መምጫየን አይታወቅም እንደሌባ ነው ይል የለምንዴ ከአብ በቀር የሚያውቅ የለም ይል የለም እንዴ?

Answer 1

ጦርነት ረሃብ የአለም ልቅነት

Answer 2

* የጌታ ኢየሱስ ክርስቶስን የዳግም ምፅአቱን ቀኒቱንና ሰዓቲቱን ማንም አያውቅም፡፡ማቴ 21፡36-42፣ ማር 13፡32፣ የሐዋ 1፡7
* የጌታ ኢየሱስ ክርስቶስን የዳግም ምፅአቱን ቀንና ሰዓት ባናውቅም ጊዜው እንደተቃረበና ዘመኑ እንደደረሰ በዓለም ዙሪያ ከሚታዩት ምልክቶችና የትንቢት ፍፃሜዎች ለመረዳት ይቻላል አምልኮቶቹም ውስጥ
- የሐሰት ት/ት ከእውነት መራቅና ሃይማኖትን መካድ የሚያስቸንቅ ዘመን ልጆች ለወላጆቻቸው የማይታዘዙበትና የአመፅ ዘመን ይሆናል፡፡ 1ጢሞ 4፡1-2፣ ሉቃ 18፡8
- አሕዛብ የምድርን ብርና ወርቅ የሚያከማቹበት ጊዜ ይሆናል፡፡ ያዕ 5፡1-9
- ጦርነትና የጦርነት ወሬ ይሰማል ማቴ 24፡6-7፡ ኢዮኤል 2፡1ና 3፡10
- ረሃብና የምድር መናወጥ በልዩ ልዩ ሥፍራ ይሆናል፡፡ ማቴ 24፡7
- የጥበብና የተመራማሪዎች መብዛት ይሆናል፡፡ ዳን 12፡4
-የመብላት የመጠጣት የማግባት የመፍታት ዘመን ይሆናል፡፡ ማቴ 24፡36-39፣ ሉቃ 17፡26-32



ጌታ ይባርካችሁ!!!!!!

Answer 3

የጌታ ሰላም ለናንተ ይሁን

የሥላሴን ምስጥር በሰብአዊ አስተሳሰብ ልንረዳው የማይቻል እጅግ ጥልቅ ነው። እግዚአብሔር የሦስቱ ማለትም የአብ የወልድ የመንፈስ ቅዱስ አጠቃላይ ስም ነው። እየሱስ ነው የሚመለሰው ብል እሱስ እግዚአብሔር አይደልም እንዴ? የሚል ጥያቄ በጥያቄ ላይ እንዳይቀርብልኝ ነው ይህን ማለቴ።

እዚያ ውጭ የሚውራው የሚባለው የሚጻፈው ማወቁ አስፈላጊ ነው ግን ሁሉንም መቀበል እንደሌለብን ቃሉ መልካም መልካሙን እንድንይዝ ከቃሉ ውጭ የሆነውን ደግሞ ርግፍ አድርገን መተው እንዳለብን ይነግረናል። ቃሉ እንደ ሌባ እመጣለሁና ሁሉ ጊዜ ትጉና ጸልዩ ነው የሚለው። መጽሐፍ ቅዱስ ያላቸው ብዙ ምልክቶች እየተፈጸሙ ናቸው። ለምሳሌ እስራኤላዊያን ከተባታተኑበት ሁሉ ተመልሰው ቁዋንቃቸውን እንደግና አበጃጅተው መንግስት መስርተው እናያለን። ከሁለት ሺህ ዓመታት በፊት የተነገረው የሩስያና የኢራን የሲርያ መወዳጀት በመሆን ላይ እያየን ነው። እዚህ ላይ ልናስታውሰው የሚገባው ዋና አንድ ነገር የቢቢሲና የሲኤንኤን ወሬ ሰምተው ከሚያዝኑና ከሚደነግጡ እንዳንሆን ለመነጠቅ ምንም ምክንያት አልተሰጠንምና ሁሌ የተዘጋጀን እንሁን። ምልኩትን ስንጠብቅ ደግሞ በውለቀ ሰብ መጠራትምኮ አለ። የዝግጅታችን አስተሳሰብ ለአሁኑኑ የሚል ዝግጅት እንዲሆን ያስፈልጋል እላለሁ።

ጌታ ይርዳን

Comments

የሚከተሉትን የመጽሓፍ ቅዱስ ክፍሎች ማንበብ በቂ ግንዛቤ ይሰጣል፡
ማቴ. 24፡3 - 14
2 ተሰ.2፡1 - 12
2 ጢሞ.3፡1 - 5
እነዚህና ሌሎች ተዛማጅ ክፍሎችን መመልከት እንጂ ዉጫዊ መረጃ ወደ ስህተት እንዳይመራን እንጠንቀቅ።
ወንድይፍራው ንጋቱ