"አይን ጨፍኖ መጸለይ ከየት መጣ? መጽሃፍ ቅዱስ ላይ አለን??

Question

ጌታ አይኖቹን ወደሰማይ አንስቶ ወደአባቱ እንደጸለየ መጽሃፍ ቅዱስ ያስተምራል። እኛ አይን ጨፍኖ መጸለይን ከማን ተማርን? ኤባካቹን አስረዱኝ

ተባረኩ

Comments

አይን መጨፈን ለተምስጦ ካልሆነ በቀር መጽሃፍ ቅዱስ ውስጥ የተጠቀሰ ነገር አላገኘሁም

Answer 1

መጽሃፍ ቅዱስ በእውነትና ከልብ እንድንጸልይ እንጂ የዓይን አጨፋፈን ወይም አከፋፈት ትዕዛዝ አልሰጠንም። ስለዚህ ዓይንን መጨፈንም ይሁን መግለጥ የሚጸልየው ሰው እንደተመቸው ማድረግ ይችላል። አዲስ ኪዳን ግድ የሚለው የሥርዓት ጉዳይ ሳይሆን የልብ ጉዳይ ነው። መጸለዩ አይደለም ቁምነገሩ፤ ይህንንማ እንደ ሥርዓትና ተደጋጋሚ ልምድ ብዙ የሚጸልዩ ሰዎች አሉ። ቁም ነገሩ ግን የጸለይነው መሰማቱ ላይ ነው። የሚሰማው ደግሞ ከልብና በእውነት ስንጸልይ ብቻ ነው እንጂ ዓይናችንን ስለከፍትን ወይም ስለዘጋን አይደለም። ብንፈልግ ተንበርክከን፣ አለዚያም ቆመን ወይም ተቀምጠን መጸለይ እንችላለን። ስንፈልግ አይናችን ከፍተን ወይም ደግሞ ጨፍነን መጸለይ እንችላለን። የቦታም ጉዳይ አይደለም ነገሩ፤ ማለትም ቤተክርስቲያን ወይም ሩቅ ቦታ ሄዶ መጸለዩ ወይም የገዛ ቤት ውስጥ ሆኖ መጸለዩም አይደለም ዋናው ጉዳዩ። ይህ ሁሉ ውጪያዊ ሥርዓት ነው፤ በዚህ ወደ እግዚአብሔር አንቀርብምም፤ ከእግዚአብሔርም አንርቅም። በእውነትና በመንፈስ እግዚአብሔርን ማምለኩ ነው ቁም ነገሩ።

Quote:

የዮሐንስ ወንጌል 4
19 ሴቲቱ፦ ጌታ ሆይ፥ አንተ ነቢይ እንደ ሆንህ አያለሁ።
20 አባቶቻችን በዚህ ተራራ ሰገዱ፤ እናንተም። ሰው ሊሰግድበት የሚገባው ስፍራ በኢየሩሳሌም ነው ትላላችሁ አለችው።
21 ኢየሱስም እንዲህ አላት፦ አንቺ ሴት፥ እመኚኝ፥ በዚህ ተራራ ወይም በኢየሩሳሌም ለአብ የማትሰግዱበት ጊዜ ይመጣል።
22 እናንተስ ለማታውቁት ትሰግዳላችሁ፤ እኛ መዳን ከአይሁድ ነውና ለምናውቀው እንሰግዳለን።
23 ነገር ግን በእውነት የሚሰግዱ ለአብ በመንፈስና በእውነት የሚሰግዱበት ጊዜ ይመጣል አሁንም ሆኖአል፤ አብ ሊሰግዱለት እንደ እነዚህ ያሉትን ይሻልና፤
24 እግዚአብሔር መንፈስ ነው፥ የሚሰግዱለትም በመንፈስና በእውነት ሊሰግዱለት ያስፈልጋቸዋል።

እንግዲህ በጸሎት ላይ ዓይን የሚጨፍንም ይሁን ዓይን የሚገልጥ ምንም ያጠፋው ወይም የሰራው ስህተት የለም። ብቻ በእውነትና ከልብ ይሁን!

Comments

ወንድሜ

ጥያቄው አይን ጨፍኖ መጸለይ መጽሃፍ ቅዱስ ላይ አለን፡ የሚል ሲሆን፡ የእርስዎ መልስ ላይ ግን የተቀሰው ጥቅስ ስለ ስግደት የሚያወራ ነው። ለጥያቄው መልስ መስጠት ሌላ የምይገናኝ ጥቅስ መጥቀስ ግን መልካም አይመስለኝም። አዲስ ኪዳን ግድ የሚለው የሥርዓት ጉዳይ ካልወነ ለምን መጋቢዎቻችን እንድንጨፍን ለምን ግድ (ደጋግመው ይሳስቡናል) ይሉናል?

---

የመጀመሪያው የመልሴ ዓረፍተ ነገር እኮ ጥያቄውን የመለሰው መሰለኝ። እንዲህ ይነበባል፦ "መጽሃፍ ቅዱስ በእውነትና ከልብ እንድንጸልይ እንጂ የዓይን አጨፋፈን ወይም አከፋፈት ትዕዛዝ አልሰጠንም።"

መጋቢዎች የራሳቸው ጉዳይ ነው፤ እኛ የምንወያየው ስለ መጽሃፍ ቅዱስ እንጂ ስለ መጋቢዎች አይደለም። ማነው መጋቢዎች ወይም ቄሶች የሚሉትና የሚያደርጉት ሁሉ መጽሃፍ ቅዱሳዊ ነው ያለው? ደግሞ እንደ መጽሃፍ ቅዱስ ከታየ አይን ክፈቱ ቢሉም ወይም ዝጉ ቢሉም ምንም ስህተት የለውም። ዝጉ የሚሉት ብዙ ጊዜ እንደሚገባኝ ሃሳብን ለመሰብሰብና ወደ ሌላ እንዳይሰረቅ ነው ሌላ ምንም ትርጉም የለውም።

---

ፓስተሮቻችንማ በልማድ እየሄዱ መሆናቸውን መርሳት የለብህም፡፡ ከዚህም የተነሳ ዓይናችንን ካልጨፈንን ፀሎታችን ሰሚ የሌለው እስኪመስለን ድረስ ያስገድዱናል፡፡ ታዲያ ምላሹ መሆን ያለበት እኮ እኛም የዚህ ልማዳዊ ግዴታ ተገዢ ሳንሆን እንደተመቸን/ ጨፍነንም ሆ ሳንጨፍን/ መፀለይ ነው!

Answer 2

መጽሃፍ ቅዱስ አይን ጨፍኖ እንድንጽልይ የሚመክርበት ስፍራ እኔ አላያውም። ኢየሱስን የሚያምንና የሚከተል ግን አይንን ወደሰማይ አንስቶ መጸልይ ከጌታ ልንማረው የሚገባ ማሳሌ ነው። ሃሳብን የሚሰበሰብ የእግዚአብሔር መንፈስ ነው እንጂ አይን ስለትጨፈነ አይደልም።

1ኛ የጴጥ መልእክት 2፡21 "".. ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሎአል"

የዮሐንስ ወንጌል 17፡1

ኢየሱስም እንዲ ጸልየ "ኢየሱስም...ወደ ሰማይ ዓይኖቹን አነሣና እንዲህ አለ.."

የማቴዎስ ወንጌል 11፡29 ኢየሱስም አለ "... ከእኔም ተማሩ..[/]

Comments

ይሄ ፈጽሞ የህጻን ጨዋታ ነው። አሁን አሁንስ እግዚአብሔርን ቂላ ቂል እያደረግነው የመጣን ይመስለኛል። እግዚአብሔር እኮ እኛን የፈጠረ አምላክ ነው እናም ቢያንስ ቢያንስ የእኛን ያህል ያስባል፤ ዝም ብሎ እንደ ሞኛሞኝ አንቁጠረው።

አይናችንን አነሳን ወይም አጎነብስን ወይም ጨፈንን ለእርሱ የሚፈጠረው ነገር አለ? ልባችንን ወደ እርሱ ማንሳታችን ነው ዋናው ቁም ነገሩ። እግዚአብሔር ጣዖት አይደለም፤ በሆኑ ውጪያዊ ፎርሙላዎች የምንደልለው። ልብንና ኩላሊትን የሚመረምር አምላክ ነው።

Quote:

የሉቃስ ወንጌል 18
9 ጻድቃን እንደ ሆኑ በራሳቸው ለሚታመኑና ሌሎቹን ሁሉ በጣም ለሚንቁ ይህን ምሳሌ ነገራቸው፥
10 እንዲህ ሲል፦ ሁለት ሰዎች ሊጸልዩ ወደ መቅደስ ወጡ፥ አንዱ ፈሪሳዊ ሁለተኛውም ቀራጭ።
11 ፈሪሳዊም ቆሞ በልቡ ይህን ሲጸልይ። እግዚአብሔር ሆይ፥ እንደ ሌላ ሰው ሁሉ፥ ቀማኞችና ዓመፀኞች አመንዝሮችም፥ ወይም እንደዚህ ቀራጭ ስላልሆንሁ አመሰግንሃለሁ፤
12 በየሳምንቱ ሁለት ጊዜ እጦማለሁ፥ ከማገኘውም ሁሉ አሥራት አወጣለሁ አለ።
13 ቀራጩ ግን በሩቅ ቆሞ ዓይኖቹን ወደ ሰማይ ሊያነሣ እንኳ አልወደደም፥ ነገር ግን:- አምላክ ሆይ፥ እኔን ኃጢአተኛውን ማረኝ እያለ ደረቱን ይደቃ ነበር።
14 እላችኋለሁ፥ ከዚያ ይልቅ ይህ ጻድቅ ሆኖ ወደ ቤቱ ተመለሰ፤ ራሱን ከፍ የሚያደርግ ሁሉ ይዋረዳልና፥ ራሱን ግን የሚያዋርድ ከፍ ይላል።

---

ዘመኑን ሁሉ ክርስቶስን ከእነ ባታ ስያሳንስ የቆይቶ የመስቀሉን እና የ ስሙን ሃይል ክዶ ኖሮ ዛሬ ደግሞ ከራሱጋር ሊአስተካክል ፈልገ?
ሌላምን የባላል ይቅር ይበለው።

---

<<ኢየሱስም...ወደ ሰማይ ዓይኖቹን አነሣና እንዲህ አለ>> ወንድሜ/እህቴ ሆይ እርስዎ ያነበቡት ይህን ጥቅስ ብቻ ነውን? ለጸሎት ፎርሙላ ወይም ህግ እንደለሌው ጌታ ራሱ አስተምርዋል። ቆመህ፣ ተቀምጠህ፣ ተኝተህ፣ በታክሲ ውስት ስትጉዋዝ፣ ...ወዘተ አይንህን ጨፍነህም፣ ሳትጨፍንም፣ መጸለይ ትችላለህ። ብቻ እግዚአብሄር እንዲሰማህ ከፈለግህ በእምነት መጸለይ አለብህ። በበተ ክርስቲያን(በማህበር)ጸሎት ጊዘ ግን ተመራጩ ስርአት ወንድማችን ጳውሎስ በ1ቆሮንቶስ 11 ላይ ያስተማረው ነው። ያም ቢሆን ህግ(ቅጣት የሚያስከትል)ሳይሆን "ወግ" ነው(1ቆሮንቶስ11፡2)። ጌታ ራሱ በሌላ ስፍራ በግንባሩ ተደፍቶ(አይኑን ሸፍኖ) እንደ ጸለየ እናነባለን። በጸሎት እግዚአብሄርን ስናነጋግረው አይን ሸፍኖ በድምጽ ብቻ ማነጋገር በብሉይ ኪዳን ጊዘም የነበረ ነው። ዮጋ ሰሪዎች የተማሩት ከክርስቲያኖች ነው። ምክንያቱም የዮጋ እድሜ ለጋ ሲሆን የመጽሃፍ ቅዱስ እድሜ የትየሌለ ነው።
1) ሙሴ
<<ደግሞም፦ እኔ የአባትህ አምላክ፥ የአብርሃም አምላክ የይስሐቅም አምላክ የያዕቆብም አምላክ ነኝ አለው። ሙሴም ወደ እግዚአብሔር ያይ ዘንድ ፈርቶአልና "ፊቱን ሸፈነ።">> ዘጸኣት 3፡6
2)ኤልያስ
<<12 ከምድር መናወጥ በኋላ እሳት ሆነ፥ እግዚአብሔር ግን በእሳቱ ውስጥ አልነበረም። ከእሳቱም በኋላ ትንሽ የዝምታ ድምፅ ሆነ።
13 ኤልያስም ያን በሰማ ጊዜ "ፊቱን በመጐናጸፊያው ሸፈነ"፥ ወጥቶም በዋሻው ደጃፍ ቆመ። እነሆ። ኤልያስ ሆይ፥ በዚህ ምን ታደርጋለህ? የሚል ድምፅ ወደ እርሱ መጣ።
14 እርሱም፦ ለሠራዊት አምላክ ለእግዚአብሔር እጅግ ቀንቻለሁ የእስራኤል ልጆች ቃል ኪዳንህን ትተዋልና፥ መሠዊያዎችህንም አፍርሰዋልና፥ ነቢያትህንም በሰይፍ ገድለዋልና እኔም ብቻዬን ቀርቻለሁ ነፍሴንም ሊወስዱአት ይሻሉ አለ።>> ነገስት ቀዳማዊ 19፡12-14።

3) መላእክት <<ሱራፌልም ከእርሱ በላይ ቆመው ነበር፥ ለእያንዳንዱም ስድስት ክንፍ ነበረው በሁለት ክንፍ "ፊቱን ይሸፍን ነበር"፥ በሁለቱም ክንፍ እግሮቹን ይሸፍን ነበር፥ በሁለቱም ክንፍ ይበር ነበር።>> ኢሳይያስ 6፡2።

4) ጌታ ኢየሱስ
የማቴዎስ ወንጌል
26፥39 <<ጥቂትም ወደ ፊት እልፍ ብሎ "በፊቱ ወደቀና ሲጸልይ"- አባቴ፥ ቢቻልስ፥ ይህች ጽዋ ከእኔ ትለፍ፤ ነገር ግን አንተ እንደምትወድ ይሁን እንጂ እኔ እንደምወድ አይሁን አለ።>>
ሉቃሥ22፡41 <<ከእነርሱም የድንጋይ ውርወራ የሚያህል ራቀ፥ "ተንበርክኮም"- አባት ሆይ፥
42 ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር።>>

5) አማኞች

የሉቃስ ወንጌል
5፥12 <<ከከተማዎችም በአንዲቱ ሳለ፥ እነሆ፥ ለምጽ የሞላበት ሰው ነበረ፤ ኢየሱስንም አይቶ ""በፊቱ ወደቀና"- ጌታ ሆይ፥ ብትወድስ፥ ልታነጻኝ ትችላለህ ብሎ ለመነው።>>

የማርቆስ ወንጌል
5፥33 ሴቲቱ ግን የተደረገላትን ስላወቀች፥ እየፈራች እየተንቀጠቀጠችም፥ መጥታ "በፊቱ ተደፋች" እውነቱንም ሁሉ ነገረችው።(ተደፍታ በድምጽ ብቻ ታናግረው ነበር)።


ሉቃስ8፥47 ሴቲቱም እንዳልተሰወረች ባየች ጊዜ እየተንቀጠቀጠች መጥታ "በፊቱ ተደፋች"፥ በምን ምክንያትም እንደ ዳሰሰችው ፈጥናም እንደ ተፈወሰች በሕዝቡ ሁሉ ፊት አወራች።

6) በእምነት ስለመጸለይ
ያእቆብ 1፡6<<ነገር ግን በምንም ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተነቃነቀ የባሕርን ማዕበል ይመስላልና።
7-8 ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው።>>
የጌታ ጸጋ ይብዛላችሁ። አሜን።

---

እነሆ ሌላ የጸሎት ስታይል።
መጽሐፈ ነገሥት ካልዕ 4
32 ኤልሳዕም ወደ ቤት በገባ ጊዜ እነሆ፥ ሕፃኑ ሞቶ በአልጋው ላይ ተጋድሞ ነበር። 33 ገብቶም በሩን ከሁለቱ በኋላ ዘጋ፥ ወደ እግዚአብሔርም ጸለየ። 34 መጥቶም በሕፃኑ ላይ ተኛ አፉንም በአፉ፥ ዓይኑንም በዓይኑ፥ እጁንም በእጁ ላይ አድርጎ ተጋደመበት የሕፃኑም ገላ ሞቀ። 35 ተመልሶም በቤቱ ውስጥ አንድ ጊዜ ወዲህና ወዲያ ተመላለሰ ደግሞም ወጥቶ ሰባት ጊዜ በሕፃኑ ላይ ተጋደመ። ሕፃኑም ዓይኖቹን ከፈተ። 36 ግያዝንም ጠርቶ። ይህችን ሱነማዊት ጥራ አለው። ጠራትም፥ ወደ እርሱም በገባች ጊዜ- ልጅሽን አንሥተሽ ውሰጂ አላት።

---

aRA LAMUNU aYENEN MACHAFEN ALAMACHAFEN YATUNAW KUM NAGER WANDEMA ENDAWEDADEK ENDATAMACH MASELAY TECHELALH PASTEROCH GIN AYEN CHAFENU MELUT YANTAW ASEB ENDAYEBATAN ALYAM MINALBAT LEYU YUNA MALEKT YAMETALAT SAW KAL LAZA SAW DEFERET HONOT FAWESUN ENDEYAGAG NAW BEZU ATECHANEQ YAWEDADEKAWN ADERG SEDKEM KUNANAM ADELAM

Answer 3

እንኻን እኛ ሱራፌል ጨፍኖአል ኢሳ6 ላይ እዲህ የላል "ንጉሡ ዖዝያን በሞተበት ዓመት እግዚአብሔርን በረጅምና ከፍ ባለ ዙፋን ላይ ተቀምጦ አየሁት፥ የልብሱም ዘርፍ መቅደሱን ሞልቶት ነበር። ሱራፌልም ከእርሱ በላይ ቆመው ነበር፥ ለእያንዳንዱም ስድስት ክንፍ ነበረው በሁለት ክንፍ ፊቱን ይሸፍን ነበር፥ በሁለቱም ክንፍ እግሮቹን ይሸፍን ነበር፥ በሁለቱም ክንፍ ይበር ነበር አንዱም ለአንዱ። ቅዱስ፥ ቅዱስ፥ ቅዱስ፥ የሠራዊት ጌታ እግዚአብሔር ምድር ሁሉ ከክብሩ ተሞልታለች እያለ ይጮኽ ነበር።" እነሱ ከብሩ አይናቸው ማየት እስከሚያቅታቸው ፊታቸውን ካሸፈን ጰንጢ ፊቱን ሽፈነ አልሸፈነ አይኑን ቢጭፍን ባይጨፈን አንተ አርፈህ አምልኮህን ቀጥል ቦሃላ የማትጠይቅበትን ስትወሳሰብ የአምላክ ከብሩ እዳይመልጥህ.

Answer 4

<<ኢየሱስም...ወደ ሰማይ ዓይኖቹን አነሣና እንዲህ አለ>> ወንድሜ/እህቴ ሆይ እርስዎ ያነበቡት ይህን ጥቅስ ብቻ ነውን? ለጸሎት ፎርሙላ ወይም ህግ እንደለሌው ጌታ ራሱ አስተምርዋል። ቆመህ፣ ተቀምጠህ፣ ተኝተህ፣ በታክሲ ውስት ስትጉዋዝ፣ ...ወዘተ አይንህን ጨፍነህም፣ ሳትጨፍንም፣ መጸለይ ትችላለህ። ብቻ እግዚአብሄር እንዲሰማህ ከፈለግህ በእምነት መጸለይ አለብህ። በበተ ክርስቲያን(በማህበር)ጸሎት ጊዘ ግን ተመራጩ ስርአት ወንድማችን ጳውሎስ በ1ቆሮንቶስ 11 ላይ ያስተማረው ነው። ያም ቢሆን ህግ(ቅጣት የሚያስከትል)ሳይሆን "ወግ" ነው(1ቆሮንቶስ11፡2)። ጌታ ራሱ በሌላ ስፍራ በግንባሩ ተደፍቶ(አይኑን ሸፍኖ) እንደ ጸለየ እናነባለን። በጸሎት እግዚአብሄርን ስናነጋግረው አይን ሸፍኖ በድምጽ ብቻ ማነጋገር በብሉይ ኪዳን ጊዘም የነበረ ነው። ዮጋ ሰሪዎች የተማሩት ከክርስቲያኖች ነው። ምክንያቱም የዮጋ እድሜ ለጋ ሲሆን የመጽሃፍ ቅዱስ እድሜ የትየሌለ ነው።
1) ሙሴ
<<ደግሞም፦ እኔ የአባትህ አምላክ፥ የአብርሃም አምላክ የይስሐቅም አምላክ የያዕቆብም አምላክ ነኝ አለው። ሙሴም ወደ እግዚአብሔር ያይ ዘንድ ፈርቶአልና "ፊቱን ሸፈነ።">> ዘጸኣት 3፡6
2)ኤልያስ
<<12 ከምድር መናወጥ በኋላ እሳት ሆነ፥ እግዚአብሔር ግን በእሳቱ ውስጥ አልነበረም። ከእሳቱም በኋላ ትንሽ የዝምታ ድምፅ ሆነ።
13 ኤልያስም ያን በሰማ ጊዜ "ፊቱን በመጐናጸፊያው ሸፈነ"፥ ወጥቶም በዋሻው ደጃፍ ቆመ። እነሆ። ኤልያስ ሆይ፥ በዚህ ምን ታደርጋለህ? የሚል ድምፅ ወደ እርሱ መጣ።
14 እርሱም፦ ለሠራዊት አምላክ ለእግዚአብሔር እጅግ ቀንቻለሁ የእስራኤል ልጆች ቃል ኪዳንህን ትተዋልና፥ መሠዊያዎችህንም አፍርሰዋልና፥ ነቢያትህንም በሰይፍ ገድለዋልና እኔም ብቻዬን ቀርቻለሁ ነፍሴንም ሊወስዱአት ይሻሉ አለ።>> ነገስት ቀዳማዊ 19፡12-14።

3) መላእክት <<ሱራፌልም ከእርሱ በላይ ቆመው ነበር፥ ለእያንዳንዱም ስድስት ክንፍ ነበረው በሁለት ክንፍ "ፊቱን ይሸፍን ነበር"፥ በሁለቱም ክንፍ እግሮቹን ይሸፍን ነበር፥ በሁለቱም ክንፍ ይበር ነበር።>> ኢሳይያስ 6፡2።

4) ጌታ ኢየሱስ
የማቴዎስ ወንጌል
26፥39 <<ጥቂትም ወደ ፊት እልፍ ብሎ "በፊቱ ወደቀና ሲጸልይ"- አባቴ፥ ቢቻልስ፥ ይህች ጽዋ ከእኔ ትለፍ፤ ነገር ግን አንተ እንደምትወድ ይሁን እንጂ እኔ እንደምወድ አይሁን አለ።>>
ሉቃሥ22፡41 <<ከእነርሱም የድንጋይ ውርወራ የሚያህል ራቀ፥ "ተንበርክኮም"- አባት ሆይ፥
42 ብትፈቅድ ይህችን ጽዋ ከእኔ ውሰድ፤ ነገር ግን የእኔ ፈቃድ አይሁን የአንተ እንጂ እያለ ይጸልይ ነበር።>>

5) አማኞች

የሉቃስ ወንጌል
5፥12 <<ከከተማዎችም በአንዲቱ ሳለ፥ እነሆ፥ ለምጽ የሞላበት ሰው ነበረ፤ ኢየሱስንም አይቶ ""በፊቱ ወደቀና"- ጌታ ሆይ፥ ብትወድስ፥ ልታነጻኝ ትችላለህ ብሎ ለመነው።>>

የማርቆስ ወንጌል
5፥33 ሴቲቱ ግን የተደረገላትን ስላወቀች፥ እየፈራች እየተንቀጠቀጠችም፥ መጥታ "በፊቱ ተደፋች" እውነቱንም ሁሉ ነገረችው።(ተደፍታ በድምጽ ብቻ ታናግረው ነበር)።


ሉቃስ8፥47 ሴቲቱም እንዳልተሰወረች ባየች ጊዜ እየተንቀጠቀጠች መጥታ "በፊቱ ተደፋች"፥ በምን ምክንያትም እንደ ዳሰሰችው ፈጥናም እንደ ተፈወሰች በሕዝቡ ሁሉ ፊት አወራች።

6) በእምነት ስለመጸለይ
ያእቆብ 1፡6<<ነገር ግን በምንም ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተነቃነቀ የባሕርን ማዕበል ይመስላልና።
7-8 ሁለት አሳብ ላለው በመንገዱም ሁሉ ለሚወላውል ለዚያ ሰው ከጌታ ዘንድ አንዳች እንዲያገኝ አይምሰለው።>>
የጌታ ጸጋ ይብዛላችሁ። አሜን።

Comments

አንተ ለመፀለይ ተነስ እንጂ እንደፈለከው ብታደርገው ሠሚው ጋር የሚደርሰው የልብህ አሣብ እንጂ ኘሮቶኮልህ አይደለም፡፡ ለፀሎት አቅም እንጂ ኘሮቶኮል ቦታ ያለው አይመስልኝም፡፡