ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን   ጥያቄ መጠያየቂያ 
website search (GO!)
 
ዋና ገጽ » ጥያቄ መጠያየቂያ
Email this page to a friend   Friday, 14 August 2020
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

“እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።“
(መዝሙረ ዳዊት 27:14)

rss

Today's verse

የተጠየቃችሁትን ጥያቄ ሥትመልሡ ሁላችን በክርስቶስ አንድ ነን : :የአንድ አባት ልጆች ነን አላችሁ

የተጠየቃችሁትን ጥያቄ ሥትመልሡ ሁላችን በክርስቶስ አንድ ነን : :የአንድ አባት ልጆች ነን አላችሁና ኦርቶዶክስም, ሌላም ሌላም አላችሁ በእርግጥ የተናገራችሁት በጎ ይመሥላል ነገርግን ብዙዎቹ ቤተ እምነቶች ጋለሞታ የሆኑ ቤተ እምነቶች ናቸው ወይም ክርስቶስ ባሏ ያልሆነ ቤተክርስቲያን ናቸው : : በሌላ አገላለፅ ትምህርታቸው የአጋንንት ትምህርት ነው : : በክርስቶስ አንድ ልንሆን አንችልም . . . ! እናም እባካችሁን አትሳቱ. . . . ! !
Nov 8, 2012 ስለ እኛ ስም-አልባ የተጠየቀ

1 መልስ

0 ድምጾች
ሰላም

እኛ ያለነውን በትክክል አንብበኸው ከሆነ እንዲህ ነው የሚለው
Quote:
ፕሮቴስታንት ይሁን ኦርቶዶክስ ወይም ካቶሊክ ወይም ሌላ፤ የክርስቶስ የሆነ ሁሉ በጌታ የእኛ ወንድም እና የአንድ እምነት ተካፋይ ነው ብለን ነው የምናምነው፡፡

ከላይ እንደጠቀስነው፤ እኛ ያልነው ሁሉም የኦሮቶዶክስ ተከታዮች ሁሉ ወይም ሁሉም የካቶሎክ ወይም የፕሮቴስታንት ተከታዮች ወዘተ ሁሉ የአንድ አባት ልጆች ነን አይደለም ያልነው። የትኛውም ሃይማኖት ተከታይ እንደሆኑ ይናገሩ፤ የክርስቶስ የሆኑ ሁሉ ግን የአንድ አባት ልጆች ነን ነው ያልነው። ስለዚህ "የክርስቶስ የሆኑ" ያልነውን ቃል ልብ እንድትለው እናሳስብሃለን።

ራሳቸውን ኦርቶዶክስ ነን ብለው የሚጠሩና እውነተኛ የክርስቶስ የሆኑ አማኞች አሉ፣ ራሳቸውን ካቶሊክ ብለው የሚጠሩና እውነተኛ የክርስቶስ አማኞች አሉ፤ እንዲሁም ራሳቸው የተለያዩ የፕሮቴስታንት ሃይማኖት ተከታዮች እንደሆኑ የሚናገሩ ሆኖም ግን እወነተኛ የክርስቶስ አማኞች ብዙ አሉ። እኛ ትልቅ ስፍራ የምንሰጠው ሃይማኖታቻው ምን እንደሆነ ሳይሆን፤ በእውነት የክርስቶስ መሆናቸውን ነው። የክርስቶስ የሆነ ሁሉ ደግሞ የእግዚአብሔር ነው

የጌታ ጸጋ ይብዛልህ!
Nov 9, 2012 iyesus (7,430 ነጥቦች) የተመለሰ
የክርስቶስ መሆን ማለት ምን ማለት ነው?ኦርቶዶክስ እና ካቶሊካውያንም በጌታ ናቸዉ እያላችሁን ነዉ እንዴ ያ ከሆነ ታዲያ ለምን ጌታን እንዲቀበሉ እንጠይቃቸዋለን?
ሰላም

በክርስቶስ መሆን ማለት በክርስቶስ ብቸኛ አዳኝነት አምኖ ዳግም መወለድ ማለት ነው። ይህ ደግሞ ከሃይማኖት ጋ ሳይሆን ከግለሰብ እምነት እና በግለሰቡ ህይወት መንፈስ ቅዱስ ከሚሰራው ስራ ጋ የተገናኘ ነው። በስመ ፕሮቴስታንት፤ ፕሮቴስታንት ሁሉ የዳነ አይደለም፤ እንዲሁም በሰመ ኦርቶዶክስ ሁሉም የጠፋ አይደለም። በሁሉም ዘንድ በእውነት የክርስቶስን ብቸኛ አዳኝነት የሚያምኑና ዳግም የተወለዱ እውነተኛ የክርስቶስ የሆኑ አማኞች አሉ። እነዚያን ነው እኛ በጌታ ወንድሞቻችንና እህቶቻችን እንዲሁም የአንድ አምነት ቤተሰቦች ብለን የምንጠራቸው። አሁንም ልብ በል፤ እኛ እያወራን ያለነው ስላልዳኑት ወይም ዳግም ስላልተወለዱት ሰዎች አይደለም። ነገር ግን በእርግጥም በክርስቶስ አምነው ዳግም ስለ ተወለዱ፤ ሆኖም ግን ራሳቸውን ፕሮቴስታንቶች ወይም ካቶሊኮች ወይም ኦርቶዶክሶች ወዘተ እንደሆኑ ስለሚጠሩ ግለሰቦች ነው። ስለዚህ እያወራን ያለነው በጌታ ስለ ዳኑ ግለሰቦች እንጂ በጅምላ የዚህ ሃይማኖት ተከታይ ሁሉ ድኗል ወዘተ እያልን አይደለም።

የጌታ ጸጋ ይብዛልህ!
ሰላም ለእናንተይሁን
በእርግጥ የሐይማኖት ቡድን መሆን አያድንም (የዘላለም ድህነት አያሰጥም) ነገር ግን አንድ ሰው እኔ ኦርቶዶክስ ነኝ ብሎ በታቦት አላምንም' እኔ የምድነው በቅዱሳንና በመላዕክት አማላጅነት ነው የምድነው ካላላለ' እናም ሌሎቹንም ሥርአት ሳይፈፅም ኦርቶዶክስ ነኝ አይልም: : አይደለም የእንትን እምነት ተከታይ ነኝ ብሎ ይቅርና በእውነተኛ ወንድሞች መሐከል እንኯን ተኩላዎች ሉአ ይደልእንዴእ? ምናልባት እናንተ ሀይማኖትን ለማቻቻል ፈልጋችሁ ከሆነ ክርስቶስ የመጣው እንደ ፈሪሳውያን እና እንደ ሰዱቃውየን ያሉትን ሰዎች ለማሥማማት ሳይሆን ሁሉም በእርሱ አምነው የዘላለምን ሕይወት አንዲወርሱ እንጂ : : ተባረኩ
ሰላም ለአንተ ይሁን

እኛ የጻፍነውን በቅጡ እያነበብከው አልመሰለንም። ሃይማኖቶችን ለማመቻመች ብንፈልግ እኮ ሁሉም ኦሮቶዶክሶች ወይም ሁሉም ፕሮቴስታንቶች ድነዋል፣ ሁላችንም አንድ ነን ወዘተ እንል ነበር። እኛ ግን ይህንን አላልንም። ልብ ብለህ ብታነብበው እኛ እንዲያውም ስለ ሃይማኖቶች ትክክለኝነት አይደለም እየተናገርን ያለነው፤ ስለ ግለሰቦች እንጂ። በኦሮቶዶክስም ይሁን በካቶሊክ ውስጥ እወነተኛውን ወንጌል ሰምተውና በክርስቶስ አምነው፤ ክርስቶስ የፕሮቴስታንቶች ብቻ ሳይሆን የእኛም ነው ብለውና እዛው ላሉ ወገኖቻቸው በግልጽም ይሁን በድብቅ እወተኛውን ወንጌል እየሰበኩ ያሉ በሺዎች የሚቆጠሩ ወንድሞቻችንና እህቶቻችን አሉ። እኛ ሃይማኖቶች ያድናሉ ብለን አናምንም፤ ክርስቶስ እንጂ። ክርስቶስ ደግሞ የአንድ ሃይማኖት ንብረት አይደለም። ኦርቶዶክሶችም እውነተኛውን የክርስቶስን ወንጌል ሰምተው ካመኑ ይድናሉ፤ ከዳኑ በኋላ ደግሞ የግድ ፕሮቴስታን ይሁኑ የሚል መጽሃፍ ቅዱሳዊ ህግ የለም። እዛው ውስጥ ሆነው እውነተኛውን የክርስቶን ወንጌል ለሌሎች ኦርቶዶክሶች በሚያገኙት ቀዳዳ ሁሉ መስበክ ይችላሉ፤ ይህንንም የሚደርጉ ብዙዎች አሉ። በጅምላ ሃይማኖትን ከማየት ይልቅ የተለያዩ ግለሰቦችን ለማየት ሞክር። ኢየሱስ የሞተው ለሃማኖቶች ሳይሆን ለግለሰቦች ነው፤ መንግስተ ሰማያትም የሚገባ ሃይማኖት የለም ግለሰቦች እንጂ። አንድ ነገር ግን እንድትረዳን የምንፈልገው፤ በፍጹም በሃሰት ላይ የተመሰረተ የሃይማኖቶች ማመመቻመች ለማድረግ ፈጽሞ ፈጽሞ ፍላጎቱ እንደሌለን እንድታውቅ እንወዳለን። እኛ እየተናገርን ያለነው በእውነት ላይ የተመሰረተና በእውነትም በክርስቶስ ስለዳኑ ሰዎች ነው።

የጌታ ጸጋ ይብዛልህ!
“እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።“
(መዝሙረ ዳዊት 33:12)

rss

Today's proverb

የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2020 by iyesus.com
Terms of use | Contact us
...