ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን   ጥያቄ መጠያየቂያ 
website search (GO!)
 
ዋና ገጽ » ጥያቄ መጠያየቂያ
Email this page to a friend   Wednesday, 25 November 2020
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

“እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።“
(መዝሙረ ዳዊት 27:14)

rss

Today's verse

ስለ ዮሐንስ ወንጌል 6፥37 ጥያቄ

የዮሐንስ ወንጌል 6፥37 አብ የሚሰጠኝ ሁሉ ወደ እኔ ይመጣል፥ ወደ እኔም የሚመጣውን ከቶ ወደ ውጭ አላወጣውም፤ የሚለውን ጥቅስ ክላይ ክተሰጠው መልስ ጋር እንዶት ማስታረቅ ይቻላል?
Mar 3, 2011 መንፈሳዊ ዮዮ (270 ነጥቦች) የተጠየቀ
Mar 3, 2011 iyesus ታርሟል

1 መልስ

+1 ድምጽ
 
ምርጥ መልስ
ጥያቄው እንደሚገባን በዮሐንስ 6፥37 ላይ ኢየሱስ ማንንም ከቶ ወደ ውጭ እንደማያወጣ ይናገራል በሌላ በኩል ደግሞ ለ አንድ ሰው ከዳነ በኋላ ደህንነቱን ሊያጣ አይችልም ወይ? ጥያቄ በተሰጠው መልስ ላይ ሰዎች ከዳኑ በኋላ ደህንነታቸውን (ድነታቸውን) ሊያጡ እንደሚችሉ መልስ ተሰጥቶአል። ታዲያ እነዚህ አይጋጩም ወይ የሚል ይመስላል።

የመጽሐፍ ቅዱስን ትምህርቶች ስናጠና ዋናው መገንዘብ ያለብን የጥቅሶቹን ዓወድ (context) እና ሙሉውን ሃሳብና መልእክት ለመያዝ ነው። ሁለት ጥቅሶችን ብቻ ለብቻቸው ለይተን ስናነጻጽር የሚጋጩ የሚመስሉ ብዙ ጥቅሶችን ማግኘት እንችላለን። የተነጠሉ ጥቅሶችን ብቻ ግን ማነጻጻር ሙሉውንና ደጋግሞ መጽሐፍ ቅዱስ የሚያስተምረውን ትልቁን መሠረታዊውን አስተምህሮት እንድንስተው ሊያደርገን ይችላል።

ኢየሱስ በእርግጥ በዮሐንስ 6፥37 ላይ "...ወደ እኔም የሚመጣውን ከቶ ወደ ውጭ አላወጣውም" ብሎአል። ታዲያ ይሄ ማለት ምን ማለት ነው? ማንም ሰው እንደፈለገው በኃጢአትና በዓመጻ እየኖረ ይድናል ምንም ችግር የለም ማለት ነው? በእርግጥ ይህ ክፍል አንዴ ደህንነትን ካገኙ በኋላ በኃጢትና በዓመጻ ስለሚኖሩ ሰዎች ነው የሚናገረው? አይደለም!
Quote:
35 ኢየሱስም እንዲህ አላቸው፦ የሕይወት እንጀራ እኔ ነኝ፤ ወደ እኔ የሚመጣ ከቶ አይራብም በእኔ የሚያምንም ሁልጊዜ ከቶ አይጠማም።
36 ነገር ግን አይታችሁኝ እንዳላመናችሁ አልኋችሁ።
37 አብ የሚሰጠኝ ሁሉ ወደ እኔ ይመጣል፥ ወደ እኔም የሚመጣውን ከቶ ወደ ውጭ አላወጣውም፤
38 ፈቃዴን ለማድረግ አይደለም እንጂ የላከኝን ፈቃድ ለማድረግ ከሰማይ ወርጃለሁና።
39 ከሰጠኝም ሁሉ አንድን ስንኳ እንዳላጠፋ በመጨረሻው ቀን እንዳስነሣው እንጂ የላከኝ የአብ ፈቃድ ይህ ነው።
40 ልጅንም አይቶ በእርሱ የሚያምን ሁሉ የዘላለም ሕይወትን እንዲያገኝ የአባቴ ፈቃድ ይህ ነው፥ እኔም በመጨረሻው ቀን አስነሣዋለሁ።

ከላይ እንደምንመለከተው ክፍሉ የሚያወራው ከዳኑ በኋላ በኃጢአትና በዓመጻ መንገድ ስለሚመላለሱ ሰዎች ሳይሆን፤ ወደ ጌታ የሚመጡ ስለተገባላቸው ተስፋ ነው። ከቶ እንደማይራቡና እንደማይጠሙ እንዲሁም በመጨረሻው ቀን በትንሳኤ ተነስተው የዘላለም ሕይወት ወራሾች እንደሚሆኑ የሚናገር ነው። ስለዚህ ይህ ክፍል ጌታን በሚያሳዝን ህይወት ስለሚኖሩ አማኞች የተጻፈ ስላልሆነ፤ ይህን ክፍል አንዴ ድነው በኃጢአት መንገድ ስለሚመላለሱ ሰዎች ወይም ደህንነትን እንዳያጡ መጽሐፍ ቅዱስ ማስጠንቀቂያ ስለሚሰጣቸው ሰዎች መጠቀም አንችልም።

አንድ ሰው ከዳነ በኋላ ደህንነቱን ሊያጣ አይችልም ወይ? ጥያቄ በሰጠነው መልስ ላይ የጠቀስናቸው ጥቅሶች ግን በቀጥታ አንድ አማኝ ደህንነቱን ሊያጣ እንደሚችል የሚናገሩና የሚያስጠነቅቁ ጥቅሶች ናቸው። የመልእክታቸው ዋና ሃሳብና ርዕስ ይሄንኑ ሰዎች ከዳኑ በኋላ ሊያጡት ስለሚችሉት ደህነነት የሚመለከት ስለሆነ እነዚያን በቀጥታ ስለዚሁ ርዕስ የሚያወሩትን መውሰድ ይኖርብናል እንላለን።
Mar 3, 2011 iyesus (7,430 ነጥቦች) የተመለሰ
በዚህ ሀሳብ ላይ ብዙ ማለት ቢቻልም ዮሐንስ 6፤37 ራሱ ጌታ ኢየሱስ አውጥቶ እንደማይጥለን እንጅ ሰው በፈቃዱ ከጌታ ወጥቶ ሊጠፋ እንደማይችል የሚናገር ክፍል አይደለም.
“እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።“
(መዝሙረ ዳዊት 33:12)

rss

Today's proverb

የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2020 by iyesus.com
Terms of use | Contact us
...