ዋና ገጽ   የመጽሐፍ ቅዱስ ቃላት መፈለጊያ   ትምህርቶች   የመጽሐፍ ቅዱስ ጥናቶች   የነጻ መዝሙሮች   ነጻ ዳውንሎድ   ያግኙን   ጥያቄ መጠያየቂያ 
website search (GO!)
 
ዋና ገጽ » ጥያቄ መጠያየቂያ
Email this page to a friend   Tuesday, 1 December 2020
ዋና ገጽ
የመጽሐፍ ቅዱስ ቃላት መፈለጊያ
የመጽሐፍ ቅዱስ ማውጫ
የዕለቱ የመጽሐፍ ቅዱስ ምንባብ
አዮታ ሶፍትዌር
ትምህርቶች
የመጽሐፍ ቅዱስ ጥናቶች
የነጻ መዝሙሮች
ነጻ ዳውንሎድ
ያግኙን Contact us
ጥያቄ መጠያየቂያ Q&A
የእገዛ ገጽ Help

“እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።“
(መዝሙረ ዳዊት 27:14)

rss

Today's verse

1ኛ ወደ ቆሮንቶስ ሰዎች ምዕራፍ 5፡3-5 ላይ ያለውን ቃል እንዼት መተርጎም እንችላለን?

3-4 እኔ ምንም እንኳ በሥጋ ከእናንተ ጋር ባልሆን፥ በመንፈስ ከእናንተ ጋር ነኝ፥ ከእናንተም ጋር እንዳለሁ ሆኜ ይህን እንደዚህ በሠራው ላይ በጌታችን በኢየሱስ ክርስቶስ ስም አሁን ፈርጄበታለሁ፤ እናንተና መንፈሴም ከጌታችን ከኢየሱስ ክርስቶስ ኃይል ጋር ተሰብስበን፥
5 መንፈሱ በጌታ በኢየሱስ ቀን ትድን ዘንድ እንደዚህ ያለው ለሥጋው ጥፋት ለሰይጣን እንዲሰጥ ፍርዴ ነው። ይላል። በለላ ስፍራ ደግሞ ወደ ገላትያ ሰዎች ምዕራፍ 5፡19-21 እንድህ ይላል፡
የሥጋ ሥራም የተገለጠ ነው እርሱም ዝሙት፥ ርኵሰት፥
20 መዳራት፥ ጣዖትን ማምለክ፥ ምዋርት፥ ጥል፥ ክርክር፥ ቅንዓት፥ ቁጣ፥ አድመኛነት፥
21 መለያየት፥ መናፍቅነት፥ ምቀኝነት፥ መግደል፥ ስካር፥ ዘፋኝነት፥ ይህንም የሚመስል ነው። አስቀድሜም እንዳልሁ፥ እንደዚህ ያሉትን የሚያደርጉ የእግዚአብሔርን መንግሥት አይወርሱም።

እነዝህን ጥቅሶች እንደት ልናስታርቃችሁ እንችላለን?
Mar 3, 2011 መንፈሳዊ ስም-አልባ የተጠየቀ

3 መልሶች

0 ድምጾች
በመጀመሪያ ይህን ጥያቄ የጠየቀውን ሰው እግዚአብሔር ይባርክ!!!!
በመቀጠል ጥያቄው ስጋን በተመለከተ ነው እኔ እንደገባኝ
ሓዋሪያው ጳውሎስ በጥቅሱ ላይ ለማለት የፈለገው በኣካል ከእናንተ ጋር ባልሆንም በመንፈስ (በሃሳብ) ከእናንተ ጋር ነኝ ለማለት ፈልጎ ሲሆን በገላቲያ መጸሐፍ ላይ የተገለጸው የሥጋ ሥራ ወይንም ያለ እግዚአብሔር መንፈስ ምሪት የሚደረጉ (የሚከናወኑ) መጥፎ ሥራዎች ናቸው፡፡ ከዚህም የተነሳ ሓዋሪያው ጳውሎስ ከእናንተም ጋር እንዳለሁ ሆኜ ይህን እንደዚህ በሠራው ላይ በጌታችን በኢየሱስ ክርስቶስ ስም አሁን ፈርጄበታለሁ፤ እናንተና መንፈሴም ከጌታችን ከኢየሱስ ክርስቶስ ኃይል ጋር ተሰብስበን፥ይህን ስንመለከት ይህ የተፈረደበት ሰው ክርስቲያን ( ዳግም የተወለደ) ሰው ማድረግ የማይገባውን ድርጊት ፈፅሞ በመገኘቱ ነው፡፡
Mar 3, 2011 ስም-አልባ የተመለሰ
በመጀመሪያ ስለ መልስህ እግዚአብሔር ይባርክ!
ግን እኜ ለመጤየቅ የፈለኩት በዋናነት 1ቆሮንቶስ5፡5 "መንፈሱ በጌታ በኢየሱስ ቀን ትድን ዘንድ እንደዚህ ያለው ለሥጋው ጥፋት ለሰይጣን እንዲሰጥ ፍርዴ ነው።" የምለዉን ቃል ነዉ። ይህንን ቃል በገላትያ ዝሙት የምሰሩ መንግስተ ሰማይ እይገቡም የምለወን ቃል እንደት እናስተያያለን? ነወ።
0 ድምጾች
1 ቆሮ 5፡3-5 ያለውን እንዼት መተርጎም እንችላለን?

በምድረ በዳ ጌታ አርባ ቀን ጾም የእግዚአብሔር ቃል ተጽፎዋል እያለ ሊፈትነው ለመጣው በመጥቀስ ጠላትን ድል ካደረገ በኋላ እንደ ዮሐንስ መጥምቁ የእግዚአብሔር መንግሥት ቀርባለችና እያለ ይሰብክ ጀመር (ማቴ 4፡17)

ለዚች ዬግዚአብሔር መንግስት ማደር ማለት ስጋን ከነምኞቱ ጋር መስቅል እንድሆነ ቅዱስ ጳውሎስ ያስተምረናል። ኤንድዚሁም ይሀ በ 1ቆሮ 5፡3-5 ያለው ሰው የፈጸመው ኃጢአት ምክንያት ከቤተ ክርስቲያን ማስወገድ ሳይሆን በገላትያ 5 የተጠቅሰው ጉዳይ በዚህ የሥጋ ምኞት ያደረገውን እንዲረዳና ንስሐ እንዲጋባ ጌታ በቃሉና በመንፈስ ቅዱስ በመሃላቸው ተገኝቶ ቅዱስ ጳውሎስ ድግሞ በሃሳቡና በስሜቱ ቤተ/ክኒቱ ባልችበት አንድ ላይ ሁነው መንፍሱ በፍርድ ቀን በጌታ ጸጋ እንድትድን በምድር ላይ አሁን ስጋውን ለሰይጣን እንዲሰጥ የፈረዱበት። እኛስ ምን እናደርግ ይሆን? እያወቅን እህቶችን ወንድሞችን ችላ እንል ይሆን?
በፍቅር ዬግዚአብሔርን ሕዝብ እንድናገለግል ጌታ መንፈስ ቅዱስ ይርዳን። አሜን!!!

ጌታ ይባርካችሁ
Mar 5, 2011 ስም-አልባ የተመለሰ
+1 ድምጽ
Quote:
1ኛ ወደ ቆሮንቶስ ሰዎች 5
5 መንፈሱ በጌታ በኢየሱስ ቀን ትድን ዘንድ እንደዚህ ያለው ለሥጋው ጥፋት ለሰይጣን እንዲሰጥ ፍርዴ ነው።

የዚህን ጥቅስ ምንነት ለመረዳት በመጀመሪያ ደረጃ ይሄ ቁጥር 5 ላይ ያለው ዓረፍተ ነገር ፍርድ እንደሆነ መረዳት ይኖርብናል። ጳውሎስ እንደዚህ ኃጢአት የሚለማመድን ሰው እንዴት ዝም አላችሁት ብሎ በመጀመሪያ የቆሮንቶስ ሰዎችን ነው የገሰጸው። ጳውሎስ ታዲያ የቆሮንቶስ ሰዎችን እንዴት ዝም አላችሁት ብሎ መገሰጽ ብቻ ሳይሆን፤ ምን መደረግ እንዳለብትም ወስኖ ከእነርሱ ጋር ተስማምቶ ፍርድ ሲሰጥ ነው የምናየው። ሲፈርድም ራሱ ብቻውን ሳይሆን "እናንተና መንፈሴም ከጌታችን ከኢየሱስ ክርስቶስ ኃይል ጋር ተሰብስበን" ነው የሚለው በቁጥር 4.

እናንተ የሚለው ደግሞ የቆሮንቶስን የቤተክርስቲያን መሪዎች ብቻ አይደለም። ነገር ግን የቆሮንቶስ አማኞችን በሙሉ ነው።
Quote:
1ኛ ወደ ቆሮንቶስ ሰዎች 1
2 በቆሮንቶስ ላለች ለእግዚአብሔር ቤተ ክርስቲያን፥ በክርስቶስ ኢየሱስ ለተቀደሱት፥ የእነርሱና የእኛ ጌታ የሆነውን የጌታችንን የኢየሱስ ክርስቶስን ስም በየስፍራው ከሚጠሩት ሁሉ ጋር ቅዱሳን ለመሆን ለተጠሩት፤

ስለዚህ ይህ ጉዳይ ቤተክርስቲያን በሙሉ በአንድነት ከጳውሎስና ከመንፈስ ቅዱስ ጋር በመሆን በአማኞች መካከል ይህን ኃጢአት በሚለማመድ ላይ የተሰጠ ፍርድ ነው።

ጳውሎስ ታዲያ ስለ ፍርዱ ሲገልጽ "መንፈሱ በጌታ በኢየሱስ ቀን ትድን ዘንድ" በማለት ነው ለምን ፍርድ እንዳስፈለገ የሚያብራራው። ስለዚህ ቁጥር 5 የሚለው፤ "መንፈሱ በጌታ በኢየሱስ ቀን እንድትድን፤ ለሥጋው ጥፋት ለሰይጣን እንዲሰጥ ፍርዴ ነው" ነው የሚለው። ማለትም ሰውየው እየተፈረደበት ያለው ለመንፈሱ ደህንነት (ድነት) ሲባል ነው። ይሄ ሰው አሁን ባይፈረድበት መንፈሱ በጌታ ቀን አትድንም። ስለዚህ መንፈሱ በጌታ ቀን እንድትድን አሁኑኑ ሥጋው ለፍርድ መሰጠት አለበት። ለምን? ንስሐ ገብቶ እንዲመለስ። ፍርድ ባይፈረድበት ይህ ሰው በጌታ ቀን ነፍሱ ልትድን አትችልም፤ ምክንያቱም ምንም ንስሐ ስለማይገባ። አሁን ግን ፍርድ ተፈርዶበት በሥጋው መከራ ሲያመጣበት፤ ያን ጊዜ ንስሐ የመግባት እድል ያገኛል። ይህም መንፈሱ እንድትድን ይረዳዋል።

ስለዚህ ይህንን ጥቅስ የምንረዳው
1. ጳውሎስ የቆሮንቶስ ቤተክርሲትያን አማኞች ይህንን ሰው ለምን ዝም እንደሚሉት ይገስጻቸዋል
2. ጳውሎስ ከቤተክርስቲያን አማኞች ጋር ሆኖ ይፈርድበታል
3. ለምንድነው የሚፈርድበት? መንፈሱ በጌታ ቀን እንድትድን። ባይፈረድበት በዚሁ ኃጢአት ይኖርና መንፈሱም ልትድን ስለማትችል። ስለዚህ ፍርድ ያስፈልገዋል።

"መንፈሱ እንድትድን ... ፈርጄበታለሁ" እያለ ነው ጳውሎስ። ፍርዱ ያስፈለገው መንፈሱ ያለዚህ ፍርድ ስለማትድን ነው። ፍርዱ ወደ ንስሐ እንዲመጣ እድል ይሰጠዋልና።

ታዲያ በ2ኛ ቆሮንቶስ ላይ ጳውሎስ ይህ ሰው ንስሐ ገብቶአልና አሁን ተቀበሉት፤ ፍቅርም ከእርሱ ጋር አጽኑ ብሎ የቆሮንቶስን አማኞች ሲመክራቸው እናነብባለን።
Quote:
2ኛ ወደ ቆሮንቶስ ሰዎች 2
5 ነገር ግን ማንም አሳዝኖ ቢሆን፥ እንዳልከብድባችሁ፥ በክፍል ሁላችሁን እንጂ እኔን ያሳዘነ አይደለም።
6 እንደዚህ ላለ ሰው ይህ ከእናንተ የምትበዙት የቀጣችሁት ቅጣት ይበቃዋልና እንደዚህ ያለው ከልክ በሚበዛ ኀዘን እንዳይዋጥ፥
7 ይልቅ ተመልሳችሁ ይቅር ማለትና ማጽናናት ይገባችኋል።
8 ስለዚህ ከእርሱ ጋር ፍቅርን እንድታጸኑ እለምናችኋለሁ፤
9 ስለዚህ ደግሞ ጽፌ ነበርና፤ በሁሉ የምትታዘዙ እንደ ሆናችሁ የእናንተን መፈተን አውቅ ዘንድ አሳቤ ነበር።
10 እናንተ ግን ይቅር የምትሉትን እኔ ደግሞ ይቅር እለዋለሁ፤ እኔም ይቅር ካልሁ፥ ይቅር ያልሁትን ስለ እናንተ በክርስቶስ ፊት ይቅር ብዬአለሁ፥
11 በሰይጣን እንዳንታለል፤ የእርሱን አሳብ አንስተውምና።

ጥያቄው ከተጠየቀበት ከ1ኛ ቆሮንቶስ 5 የምንማረው አንዱ ትልቁ ቁም ነገር፤ ቤተክርሲያን በአንድ አማኝ ላይ ፍርድ ስትሰጥ፤ ሁለት ነገሮችን ግንዛቤ ውስጥ በማስገባት መሆን አለበት። አንደኛ የተፈረደበት ሰው ንስሐ እንዲገባ ለመርዳትና የቤተክርስቲያንዋን ጤንነት ለመጠበቅ ("ጥቂት እርሾ ሊጡን ሁሉ እንዲያቦካ አታውቁምን?" ቁ.6) ታስቦ ነው ፍርድ መሰጠት ያለበት። ብዙ ጊዜ በኃጢአት ለሚመላለሰው ሰው ሕይወት ስለማይታዘን፤ ወይ ዝም ይባላል ወይም ከተቀጣም ለእርሱ ሕይወት ታስቦ አይደለም። ከኃጢአቱም ከተመለሰ በኋላም እርሱን በፍቅር መቀበል ለብዙዎች ይከብዳል።

ሌላው የሚያስተምረን፤ ፍርድ የሚሰጠው አንዴ በኃጢአት ወድቀው ንስሐ ለገቡ ሰዎች አይደለም። ነገር ግን ከኃጢአታቸው እንዲመለሱ አሁን ኃጢአት በሚለማመዱ ሰዎች ላይ ነው። ብዙ ጊዜ አንዴ ኃጢአት አድርገው ከኃጢአታቸውም ንስሐ ገብተው አሁን ነገሩ ስለተሰማ ብቻ ባለፈውና ንስሐ በገቡበት ኃጢአት ይቀጣሉ። ይህ ትክክል አይደለም። አሁን ከሚለማመዱበት ኃጢአት ወደ ንስሐ ለማምጣት ነው የቤተክርስቲያን ቅጣት የሚያስፈልገው።
Mar 6, 2011 ስም-አልባ የተመለሰ
Mar 6, 2011 ታርሟል
“እግዚአብሔር አምላኩ የሚሆንለት ሕዝብ ምስጉን ነው፥ እርሱ ለርስቱ የመረጠው ሕዝብ።“
(መዝሙረ ዳዊት 33:12)

rss

Today's proverb

የኒውስ ሌተር ምዝገባ
የእርስዎ ስም ኢሜል አድራሻዎ ኢሜል አድራሻዎ (በድጋሚ)
»የመጽሐፍ ቅዱስ ቃላት መፈለጊያ   የመጽሐፍ ቅዱስ ቃላት መፈለጊያ
Copyright © 2004-2020 by iyesus.com
Terms of use | Contact us
...